勤記潮州食家

Open Now

Now Closed

元朗出名多野食！這間小店好評如潮，我都慕名而來吃晚餐。佢6:15開晚市，我5:45去到已經有幾個人一齊等開門。 餐廳食物選擇不算多，最緊要係好吃。我專程過嚟好想試下港版beef wellington，就係店內的炸腐皮豬肉卷。腐皮十分脆，有xo醬味，而裏面包著的豬肉軟綿綿。份量都幾多，只係65蚊！我地兩個人食到好飽。除左豬肉卷，我還試了醉雞，感覺上佢嘅醉雞汁係自己調較過，並不是外間買一支現成醉雞汁加入啲雞度。主食就叫左蠔仔粥！蠔仔好新鮮，如果食慣濃味的人未必鍾意，因為佢標榜無添加味精，食得健康啲。