Video
Read full review
2017-04-21
684 views
其實佢岩岩開個時好多介紹已經好想去，奈何真心唔近我，一直都無機會。 終於，機會黎喇飛雲！男人靜雞雞帶左我黎呢到。 店面都係行文青風，有自助水吧，凍熱水自己搞掂，都岩既，始終唔係話好多人手。 因為係食午餐，有叫主食，但呢到主打係茶黎架麻，當然要飲茶同埋食下佢最signature 既茶味雪糕啦。 主食方面；我地叫左個拌麵，望落唔多汁，但拌起黎又ok wor, 唔算驚喜，但比望落個樣好食。 另一個主食我地叫左黑松露三文魚意粉，都係好普通既質素，大概係你去broad game cafe 食到個啲咁啦， 但係咁喎， broad game cafe 大部分都係收咁上下價錢但有哂心理準備你係到坐半日慢慢玩。當你收我成百蚊一個意粉既時候，我覺得我真係會expect more. 飲品，我地叫左一凍一熱。凍既叫左普洱奶茶、熱既叫左陳皮烏龍。凍飲--普洱奶茶，如果呢間係一間賣台式飲品店既舖路，我勉強可以接受，但你既主打係賣茶，我會話、呢杯奶茶，好！差！呢杯［奶茶］，好！多！奶！！！我飲左一啖，真係吞哂成啖先有些少茶味，如果你話我知呢個叫回甘，sorry，我唔識欣賞。 好老實，我地飲完呢杯野已經對呢餐無哂期望
店面都係行文青風，有自助水吧，凍熱水自己搞掂，都岩既，始終唔係話好多人手。
因為係食午餐，有叫主食，但呢到主打係茶黎架麻，當然要飲茶同埋食下佢最signature 既茶味雪糕啦。
主食方面；我地叫左個拌麵，望落唔多汁，但拌起黎又ok wor, 唔算驚喜，但比望落個樣好食。
另一個主食我地叫左黑松露三文魚意粉，都係好普通既質素，大概係你去broad game cafe 食到個啲咁啦， 但係咁喎， broad game cafe 大部分都係收咁上下價錢但有哂心理準備你係到坐半日慢慢玩。當你收我成百蚊一個意粉既時候，我覺得我真係會expect more.
飲品，我地叫左一凍一熱。凍既叫左普洱奶茶、熱既叫左陳皮烏龍。凍飲--普洱奶茶，如果呢間係一間賣台式飲品店既舖路，我勉強可以接受，但你既主打係賣茶，我會話、呢杯奶茶，好！差！呢杯［奶茶］，好！多！奶！！！我飲左一啖，真係吞哂成啖先有些少茶味，如果你話我知呢個叫回甘，sorry，我唔識欣賞。 好老實，我地飲完呢杯野已經對呢餐無哂期望！（偏偏呢杯野黎先）
講真，我係賞茶飲個杯既茶味都濃厚過呢杯野好多！熱飲--陳皮烏龍，陳皮味係好香既，烏龍唔錯。 我既睇法係，唔駛調、用原材料配既茶，佢地係做得唔錯，可能真係好似之前啲報紙雜誌介紹咁講佢地有門路入到靚料。同埋熱飲佢都容許你繼續出去加熱水無限添飲既。
到最後，甜品！本身今餐既亮點！茶味雪糕！！！貪心的我一下子就叫左最多既3球，另外佢有打卡優惠可以送多球抹茶。所以我地今次試左4球！！！
我地既味道有：Earl Grey Chocolate, 普洱同功夫茶。
首先，外觀上、我睇住個雪糕同個menu 對比唔返功夫茶同普洱味出黎。 當然，個名最突出既係伯爵茶朱古力啦。 而功夫茶呢、個茶味係濃既， 我個人覺得最出色係呢個。 而普洱，可能真係用靚料，成本太貴？ 個味又一次係偏淡既，當然，我唔排除自己平時飲既普洱唔差得黎都濃既，所以要求同期望都相對高啲。
最後係送既抹茶，呢個，太澀，應該係茶粉落得太重手。暫時本港抹茶雪糕第一名都仲係check in tokyo 無誤😎
最後，我諗我無咩誘因會再黎架喇。完！
Post
