Video
Read full review
2009-03-07
378 views
上個月諗住同男朋去新餐廳慶祝五週年紀念日，見到openrice好多comments都話呢間cafe唔錯，咪去試下囉！起初入去間餐廳時，感覺都唔錯，老闆娘招呼都算幾熱情，可是食物一上枱時，我和男朋都大感失望......男友晚餐1) 酥皮海鮮湯: 酥皮竟然係淋o既(2) 香煎鵝肝西冷牛柳配薯菜: 賣相不俗，牛柳的質地似是貴價貨，可惜一咬落去，不論是鵝肝或是牛柳都係「涷冰冰」,我男友即時變臉，難道呢個係冷盤??! (3) 芝士凍餅: 原本想要木槺布甸, 但冇 , 想加錢改心太較，但老闆娘就話「唔改得」，難道佢無睇劉德華廣告話過「今時今日咁o既服務態度係唔夠o架！」，我地已經話可以俾差額，但佢都仲係答唔得，無得改o既！個問題係佢原本個 manual 既木槺布甸冇貨，所以我地先話改心太較o者，結果係"局"我地食佢既芝士凍餅囉。而且加錢改食物或飲品係係茶餐廳都是小事，實做得到，為何一間cafe都做唔到呢！(4) 餐後飲品: 我男朋友唔想飲太甜既凍檸茶，佢就問老闆娘 d 糖水係咪分開上架，話竟然話"我地係茶檔咁架，d 糖水係落埋架啦。" 我都唔知佢想搞 gag 定係咩，但 at least 我知原來
男友晚餐:
(1) 酥皮海鮮湯: 酥皮竟然係淋o既
(2) 香煎鵝肝西冷牛柳配薯菜: 賣相不俗，牛柳的質地似是貴價貨，可惜一咬落去，不論是鵝肝或是牛柳都係「涷冰冰」,我男友即時變臉，難道呢個係冷盤??!
(3) 芝士凍餅: 原本想要木槺布甸, 但冇 , 想加錢改心太較，但老闆娘就話「唔改得」，難道佢無睇劉德華廣告話過「今時今日咁o既服務態度係唔夠o架！」，我地已經話可以俾差額，但佢都仲係答唔得，無得改o既！個問題係佢原本個 manual 既木槺布甸冇貨，所以我地先話改心太較o者，結果係"局"我地食佢既芝士凍餅囉。而且加錢改食物或飲品係係茶餐廳都是小事，實做得到，為何一間cafe都做唔到呢！
(4) 餐後飲品: 我男朋友唔想飲太甜既凍檸茶，佢就問老闆娘 d 糖水係咪分開上架，話竟然話"我地係茶檔咁架，d 糖水係落埋架啦。" 我都唔知佢想搞 gag 定係咩，但 at least 我知原來我地兩個人去左茶檔食成 3 百幾蚊野囉~
我的晚餐:
(1) 羅宋湯: 以我個人喜好黎講過稀...
(2) 保雲燒焗羊排: 我自認係吃得「蘇」的人，但呢個羊排實令我吃不消，一上枱就已經聞到強烈的「蘇」味，吃第一口我也覺得羊排唔夠熱，吃第二口就覺得佢係凍囉，怪不得羊排一上枱我已聞好蘇味啦，原來個主菜又係凍左...
真係好失望囉，一心諗住食餐好，結果......！我聽到隔離枱都係睇到openrice介紹才來吃，唉... 同我地命運一樣，慘呀~
Post