Le Monde

Open Now

Now Closed

觀塘新開左呢間法國菜，假期又同老婆兩個出去撐枱腳，lunch加$28 就可以upgrade做套餐，有是日餐湯同飲品，加多$15仲可以轉做龍蝦湯。環境又清靜又雅緻，有唔錯嘅用餐環境。蕃茄湯裡面有好多蜆肉，好香蕃茄味中帶有海鮮味道，旁邊有蘋果牛油果沙律；龍蝦湯香濃鮮味，可以證明廚師嘅用心。煎法國鯖魚配蘿蔔醋汁及炸薯條，擺盤好靚，煎鯖魚香味濃郁，點蘿蔔醋汁又有另一番味道，亦都好夾，伴碟嘅沙律菜都唔係馬虎，夠Fresh，仲有香脆薯條，睇得食得又夠飽。烤法國黃油春雞配芥末籽汁，春雞幾juicy，好有雞油香，表面烤得好香，伴碟係烤蔬菜同薯粒，色彩配搭靚得令人胃口大開。呢度環境真係舒適，最估唔到係連咖啡奶茶都好飲，如果冇咗疫情，坐喺呢張梳化摸着酒杯底傾吓計真係好舒服。