炭樂

Open Now

Now Closed

第二次來這裡，因為第一次來時很多食品也售罄，而且我和他也喜歡食日式串燒和飲兩杯，所以昨晚(星期日)我哋早少少0715就來到了。今次小店又差不多爆滿，只剩兩個吧枱位，但其實我哋很喜歡坐吧枱的，因為可以看到師夫準備食物。由於厨房人手少，而且日式串燒是手作仔嘢，侍應建議我哋一次過叫，而且有心理準備會耐少少。我哋耐心等，因為眼見師夫得一個，爐又得一個，心機嘢，明白係要慢工出細貨。第一樣食品廿五分鐘後才送上，因為我哋有酒飲，看看師夫燒烤，傾吓偈，唔覺耐。師夫叫阿東，熟落咗先知他收埋好多好嘢，下次你哋來記得問侍應什麼menu 冇的好介紹。今晚我們推介：厚牛舌，燒鳗魚，燒新鮮雞心，新鮮雞皮和燒雞肝。如果有老人家或小朋友，叫一大鍋烏冬，也是樂事，因為真係好大隻碗，成個細型洗手盤般大，我見小朋友食得好興奮呢，下次我也要試吓。