Video
Read full review
2025-02-14
0 views
朋友用$100成為餐廳會員，佢話有唔少會員優惠，包括升級咖啡，所以㨂咗嚟呢度食早餐。約1000入座，餐廳未爆，但食客都多。早餐的價格比茶記略高，但的確坐得舒服啲。水波蛋蘑菇鬆餅+火腿湯通粉：賣相一般，雖然整整齊齊，但冇乜擺盤，只係將幾樣食物放喺碟上，冇配菜；蘑菇炒得幾香口，估唔到係水波蛋得1隻，而英式鬆餅亦只有半份，粟米就1-2湯匙。呢個早餐好似$60，份量偏少。通粉有肉，所以我俾咗朋友食，如果唔係嚟之前食咗嘢打底，真係唔夠飽。整體食物味不過不失。由於朋友係會員，同檯客人點咖啡有得受惠，可升級為Wake up coffee（正常要+$10），不過我唔係好知分別係點，咖啡的味道還好，只嫌送嚟時已加咗奶，同茶記一樣，奶唔係另上，亦唔肯定係咪落鮮奶~~同行朋友點咗雞扒餐同魚柳餐，雞扒同魚柳唔算好大件，多士幾好，係厚多士，但只有半塊。早餐性價比一般，餐廳勝在位置優越，環境舒適，如果有時間坐低慢慢嘆，考慮到佢只係比茶記、大家樂貴~$20，都值得既，速食就唔需要揀呢度喇~
約1000入座，餐廳未爆，但食客都多。早餐的價格比茶記略高，但的確坐得舒服啲。
水波蛋蘑菇鬆餅+火腿湯通粉：賣相一般，雖然整整齊齊，但冇乜擺盤，只係將幾樣食物放喺碟上，冇配菜；蘑菇炒得幾香口，估唔到係水波蛋得1隻，而英式鬆餅亦只有半份，粟米就1-2湯匙。呢個早餐好似$60，份量偏少。通粉有肉，所以我俾咗朋友食，如果唔係嚟之前食咗嘢打底，真係唔夠飽。整體食物味不過不失。由於朋友係會員，同檯客人點咖啡有得受惠，可升級為Wake up coffee（正常要+$10），不過我唔係好知分別係點，咖啡的味道還好，只嫌送嚟時已加咗奶，同茶記一樣，奶唔係另上，亦唔肯定係咪落鮮奶~~
同行朋友點咗雞扒餐同魚柳餐，雞扒同魚柳唔算好大件，多士幾好，係厚多士，但只有半塊。
早餐性價比一般，餐廳勝在位置優越，環境舒適，如果有時間坐低慢慢嘆，考慮到佢只係比茶記、大家樂貴~$20，都值得既，速食就唔需要揀呢度喇~
Post
