Video
Read full review
2014-08-02
3578 views
今日興之致約左粉絲喺呢頭開飯~大家冇咩心水想食D清清地~所以上網搵搵~搵到呢個地方~好似唔錯~所以就決定一試~呢到唔算係一間餐廳,瑜伽中心的小食部吧~有野食之餘仲有衫賣,都咪話唔得意~店的主打係以新鮮生果為主,當中仲有D素菜小食同炒粉麵,搵到個位坐底~冇人招呼,原來呢到好自助,自己搵到位睇啱食乜野就去櫃台買,之後埋位等唯一的服務 - 送餐,買野食都好高技巧,櫃面分左右兩邊, 先到左邊看餐牌,記下自己要買什麼,再右邊買單比錢,記性少D或買得多D都有困難...最後我要拿紙仔記下要乜野再去買野食~!點好埋位等~等了又等~我地發現整個餐飲部只有兩位好熱情的小姐在工作~所以食物出得很慢~5分鐘來一杯飲品~又等5分鐘來一點食物~要趕時間的人不太適合來這裡習慣等齊食物先起筷的我們,今次都要破例了,一來有點餓,二來真係上得太慢了~似看不到未來~!三絲炒粉絲 - 服務員話好多人點的款式~所以一定要試~入口唔算好特別,出品一般,上面香口的白芝麻令到整碟素菜加了几分口感,但我覺得略嫌重油了一點,希望那是用橄欖油呢~而且食到中段我地發現喺粉絲當中食到一條扎粉絲的棉線~~真係太不小心西檸素鴨 - 一般齋舖買回的
搵到呢個地方~好似唔錯~所以就決定一試~
呢到唔算係一間餐廳,瑜伽中心的小食部吧~有野食之餘仲有衫賣,都咪話唔得意~
店的主打係以新鮮生果為主,當中仲有D素菜小食同炒粉麵,
搵到個位坐底~冇人招呼,原來呢到好自助,自己搵到位睇啱食乜野就去櫃台買,
之後埋位等唯一的服務 - 送餐,
買野食都好高技巧,櫃面分左右兩邊, 先到左邊看餐牌,記下自己要買什麼,再右邊買單比錢,
記性少D或買得多D都有困難...最後我要拿紙仔記下要乜野再去買野食~!
點好埋位等~等了又等~我地發現整個餐飲部只有兩位好熱情的小姐在工作~
所以食物出得很慢~5分鐘來一杯飲品~又等5分鐘來一點食物~
要趕時間的人不太適合來這裡
習慣等齊食物先起筷的我們,今次都要破例了,
一來有點餓,二來真係上得太慢了~似看不到未來~!
三絲炒粉絲 - 服務員話好多人點的款式~所以一定要試~入口唔算好特別,出品一般,上面香口的白芝麻令到整碟素菜加了几分口感,但我覺得略嫌重油了一點,希望那是用橄欖油呢~而且食到中段我地發現喺粉絲當中食到一條扎粉絲的棉線~~真係太不小心
西檸素鴨 - 一般齋舖買回的素鴨切件再淋上買回來的西檸汁,沒有任何難度的款式都要等上20分鐘~可能平時少人點,所以要解凍吧~沒有任何煎香過的痕跡,好普通,份量真係太少了~好唔抵食~
鱈魚套餐 - 素鱈魚切得太薄且煎得太乾身~使原是沒有肉汁的都更冇汁~食落得個硬字,墊底的烚熟瓜菜同蘿蔔都凍了~我覺得這兩款都不應是涼食的~可能係等得太耐..十殼飯同沙律的出品就唔錯~可能呢D但求新鮮就好~!!且擺放得好有心機~我中意呢D誠意~
跟餐仲有一杯子的湯~我地都冇諗過...相信係冇肉的菜乾湯~味道真係麻麻..可能真係太素了~!哈~
薏米萍果沙律 - 整個款式配搭得相當唔相,有爽口的萍果同埋有咬口的薏米~有軟有硬,最重要係生果好新鮮~!
檸檬黑麥汁 - 黑麥汁加左d SODA變左有氣~服務員話係發酵喎.上枱唔講以為自己叫左凍檸樂~飲落唔覺好重黑麥味,.之後加兩卡檸檬,呢款可能係全世界唯一熱飲貴過凍飲的令品~~!
總括黎講..算係見識過佢的出品~可見的未來相信唔會再見,真心希望佢地他日可以有所進步
Other Info. :
店舖本身冇洗手間設備~瑜伽客人有專用洗手間,但係唔會比唔係做瑜伽的人士使用~外來客會用商場的洗手間,行大約2分鐘左右,九曲十三灣~要去的話記得預留前往時間~!!由於係商場洗手間,清潔有一定的保證~
(The above review is the personal opinion of a user which does not represent OpenRice's point of view.)
Post
