Slow House

Open Now

Now Closed

Slow_house_hk 位於堅尼地城地鐵站附近，主打慢活生活節奏，約左朋友一齊chill下。餐廳以木係為主，撞綠色梳化椅非常有格調，最吸引我係餐廳擺滿🐱🐱🍔🍟cushion，十分可愛。環境舒服寫滿，同朋友傾到唔捨得走。翠玉瓜湯餐湯口感順滑帶奶香，十分creamy。不過我覺得唔似翠玉瓜味，反而雜菌味比較突出，但係係好飲既！🍔雙層手打牛肉芝士漢堡漢堡烘到微脆，手打牛肉用左牛肩、牛腩打成，都幾厚身，大大舊勁足料!  牛肉味濃郁軟腍，都幾juicy。夾埋🧀芝士、生菜同埋🍅蕃茄一齊食，多層口感，係我鍾意嘅味道😍。🦐🍝珍寶蝦意粉扁意粉口感厚實，都幾掛汁，以蝦湯煮成，帶點蝦鮮味。虎蝦好好味！肉質爽口彈牙，仲有蝦膏㗎。🍑White Peach Tea飲落去有淡淡嘅白桃味，輕甜香氣與茶底融為一體，仲有啲桃肉😙。