SOW

Open Now

Now Closed

晚飯走到上環一帶覓食，挑了這間寜靜的西餐坐低傾計。點了幾道菜，為忙錄的一日作結。先來2杯飲品，Night WhisperCream Sowda前者似飲緊仙草，後者酸酸咪咪好醒神。月見免治雞肉三食 (大阪燒、燒了月見，避風塘）燒鳥月見則是平常食開的醬油燒，大阪燒味鋪滿了木魚，入口就似食緊大阪燒！避風塘鋪滿了脆脆，入口帶微辣香脆。配上醬油蛋漿，各有口味！西班牙乳豬少少的一件豬脾，皮薄而且脆，肉又滑嫩，可以成隻拎起黎食，重點係一定要點自家製醬汁，完全係perfect~俄式牛柳鵝肝煲仔飯好大程度被呢個煲仔飯吸引而黎，牛柳鋪滿了飯面，淋上忌廉汁，再搗爛隻蛋，煲邊吱吱作響，飯更見焦香。鵝肝本身肥美，再撈埋入飯，濕潤得黎多了陣鵝油香，加一塊肉嫩牛柳，小小一煲，但每一啖都令人回味。黑芝麻焦糖燉蛋配豆腐雪糕這個燉蛋比較杰身，介乎於燉蛋和芝麻糕的質感，超濃郁的芝麻味，配埋雪糕食，又熱又凍的雙重口感，零捨好味。小店好悠閒，晚飯靜靜地傾下計，食下野，真係不錯的選擇。