慵懶生物

Open Now

Now Closed

同朋友去左九龍城行下，見到呢間小店好似幾吸引，就過左去試下。去到既時候大概十二點幾，都幾多人排隊。店員除左問幾多位之外，仲會問埋點稱呼，有位既時候就會叫客人入去，唔駛派飛，慳返d紙。我同朋友叫左自家製忌廉蘑菇醬意粉配雞腿肉、Lazy All Day、鮮奶抹茶、焦糖鮮奶。招牌飲品menu飲品menuLazy All Day menu主食menu甜食menu鮮奶抹茶食物合照Lazy All Day︰蛋幾好味，個包唔太夠脆，沙律正常，腸唔會太咸，酸菜加腸幾好食，車厘茄普通。自家製忌廉蘑菇醬意粉配雞腿肉︰雞略嫌唔夠滑，意粉份量十足，好飽，個醬幾唔錯。焦糖鮮奶︰焦糖味突出，好香，幾好飲廁所喺店外，要經後門前往。都幾多人排隊，好多人帶埋寵物黎食，有分戶外同室內既座位。服務唔錯，食物質素都ok，戶外會有d曬，但係我黎果日幾暖幾舒服。係一間適合慢活輕鬆下既小店。