石一燒 (九龍城) (Closed)

石燒流行了一段時間， 個人亦曾經非常鍾意， 但市面上因為競爭者多， 好多時就會變得雜亂， 同埋質素下降。 今日嚟到九龍城 ，就畀到我一個好大嘅驚喜 ，無論係環境 ，食材， 分量， 服務 ，通通都達到我心目中嘅理想。前菜: 沙律，櫻花蝦味噌湯新鮮嘅羽衣甘藍 有麻醬 木魚花 嘅沙律， 勁多櫻花蝦，味噌湯唔會太鹹啱啱好，原來配櫻花蝦係咁正㗎。三品 有辣味海蜇 ，日本紫薯仔， 芝士蟹棒小食 秘之牛丸 日式釀雞翼 肉丸幾大粒，有番红花點缀。雞翼脹卜卜，賣相已經攞滿分 ，食落去熱辣辣， 芝士忌廉蘑菇，釀在雞翼裏面，好有口感。極上和牛盛會 二人前澳洲和牛封門柳 /美國頂級牛小排，日本九州A4和牛三角胸，日本九州A4和牛上前腿肉16安士的和牛盛會， 啱曬我哋啲呢啲食肉獸， 店主畀我哋升級咗美國頂級牛小排， 個人認為牛之中佢最啱我胃口， 遠糯得嚟又好有牛味 ，油脂分佈均勻， 有霜降嘅賣相。九州A4和牛 質素有保證 ，牛胸肉 好食過上前腿肉， 廚師精心薄切 ，每邊烤40秒就ok。仲有好多菇菇 洋蔥 配菜 烤一陣間 少少燶邊 菇味更加出。飯素 稻庭烏冬 日本烏冬煙煙靭靭 個人認為比飯素高分跟餐飲品: 雪碧