Video
Read full review
2020-06-03
153 views
KOKO 位於南豐紗廠 一個文青打卡勝地 是本地自家烘焙咖啡店CoCo espresso的延伸品牌 亦是pet-friendly的咖啡店餐廳裝潢走工業風 以水泥牆配上木枱 店內面積大 樓底高 環境寬敞 店外樓梯底亦有唔少位置 可以享受柔和日光同時 亦可享受冷氣🌬餐廳採取自助形式 揾位 點餐 取餐 全自助▪️自家製番茄醬意大利粉配發達芝士 $98麵條軟硬適中 每一條都掛滿自家製嘅番茄醬番茄醬帶酸 食落好開胃當中加有我最鍾意嘅蕃茄仔同feta cheese帶鹹味同奶香既feta cheese 同帶酸既蕃茄意粉 又幾夾 食落唔會太單調▪️慢煮手撕豬腩肉漢堡 $108漢堡包質地軟熟 表面經烘過 不過放耐左難免無咁脆 所以大家真係要快啲食！手撕豬腩肉 腍身入味 完全唔柴 充滿醬汁 食落小小鎮江醋嘅味道 帶微酸 幾開胃漢堡中夾有唔少爽口嘅椰菜 同蕃茄 口感豐富整體食落好juicy 口感同味道都幾豐富薯條粗身 實心足料 放耐左略微唔夠脆▪️Hot mocha $40入口順滑 咖啡香醇 咖啡味道相對上比朱古力味突出 好欣賞佢個拉花 影咗好耐都未起泡▪️Tea $40茶有五款選擇 今次就揀咗earl gr
餐廳裝潢走工業風 以水泥牆配上木枱 店內面積大 樓底高 環境寬敞 店外樓梯底亦有唔少位置 可以享受柔和日光同時 亦可享受冷氣🌬
餐廳採取自助形式 揾位 點餐 取餐 全自助
▪️自家製番茄醬意大利粉配發達芝士 $98
麵條軟硬適中 每一條都掛滿自家製嘅番茄醬
番茄醬帶酸 食落好開胃
當中加有我最鍾意嘅蕃茄仔同feta cheese
帶鹹味同奶香既feta cheese 同帶酸既蕃茄意粉 又幾夾 食落唔會太單調
▪️慢煮手撕豬腩肉漢堡 $108
漢堡包質地軟熟 表面經烘過 不過放耐左難免無咁脆 所以大家真係要快啲食！
手撕豬腩肉 腍身入味 完全唔柴 充滿醬汁 食落小小鎮江醋嘅味道 帶微酸 幾開胃
漢堡中夾有唔少爽口嘅椰菜 同蕃茄 口感豐富
整體食落好juicy 口感同味道都幾豐富
薯條粗身 實心足料 放耐左略微唔夠脆
▪️Hot mocha $40
入口順滑 咖啡香醇 咖啡味道相對上比朱古力味突出 好欣賞佢個拉花 影咗好耐都未起泡
▪️Tea $40
茶有五款選擇 今次就揀咗earl grey 帶淡淡佛手柑既香氣 香而不苦澀 解膩一流
整體而言 食物味道唔錯 環境寛敞舒適 仲係pet-friendly 好適合hea返一個晏就 或者拎電腦嚟做野
Post
