Video
Read full review
2024-12-28
865 views
今日放工同朋友嚟到堅尼地城輕輕鬆鬆食個飯，見到呢間望落去環境幾舒服，裝飾又幾靚，仲有好多貓貓cushion，就俾佢吸引咗入去！我哋嗌咗個煙燻慢焗牛腩漢堡配薯條同埋蒜片意粉配嫩煎雞胸，兩個set都係配沙律同埋可樂，份量比我哋想像中都大，牛腩漢堡個賣相幾吸引，同埋都係第一次試食牛腩嚟整嘅漢堡，估唔到又幾夾，煙燻慢焗到塊牛腩軟腍腍，又Juicy爆汁，我覺得好食過傳統嘅漢堡，幾值得一試！薯條都係新鮮食咋脆卜卜熱辣辣，超有誠意！蒜片意粉配嫩煎雞胸都幾有驚喜，我哋嗌咗辣味，佢嗰種辣啱啱好，唔會太辣冚過咗個蒜香味，意粉軟硬度適中，配埋檸檬汁都幾開胃，雞胸都幾嫩滑，亦都幾入味，整體嚟講都幾好食！下次經過呢頭都會同朋友嚟呢間坐低輕輕鬆鬆傾吓偈！
我哋嗌咗個煙燻慢焗牛腩漢堡配薯條同埋蒜片意粉配嫩煎雞胸，兩個set都係配沙律同埋可樂，份量比我哋想像中都大，牛腩漢堡個賣相幾吸引，同埋都係第一次試食牛腩嚟整嘅漢堡，估唔到又幾夾，煙燻慢焗到塊牛腩軟腍腍，又Juicy爆汁，我覺得好食過傳統嘅漢堡，幾值得一試！薯條都係新鮮食咋脆卜卜熱辣辣，超有誠意！
蒜片意粉配嫩煎雞胸都幾有驚喜，我哋嗌咗辣味，佢嗰種辣啱啱好，唔會太辣冚過咗個蒜香味，意粉軟硬度適中，配埋檸檬汁都幾開胃，雞胸都幾嫩滑，亦都幾入味，整體嚟講都幾好食！下次經過呢頭都會同朋友嚟呢間坐低輕輕鬆鬆傾吓偈！
Post
