花子舍 (Closed)

不經不覺已經轉咗工五個月，忙到有啲透唔過氣，年尾前仲有四個Business trip要去。星期日真係要畀自己嗰腦休息下，慢活一日。A姐好善解人意，話帶我去返銅鑼灣後花園花子舍Florahouse食餐好。蕃茄雜菜濃湯我就一向都最鍾意飲湯，呢個蕃茄雜菜濃湯茄味濃郁，加埋紅腰豆、西芹、紅蘿蔔等雜菜，非常足料。沙律新鮮沙律菜加帕爾馬火腿，再配自家製沙律醋，真係非常開胃！燒老虎蝦蒜片辣椒墨魚汁香草醬扁意粉虎蝦大大隻，燒得好香口，一人一隻，唔洗爭。扁意粉煮得啱啱好，煙韌彈牙，每條都沾滿墨魚汁，加埋蒜片同辣椒，真係好香口。慢煮加拿大八安士豬鞍架配紅莓汁話明慢煮，豬鞍架非常腍身，尤其近脂肪位。另外，紅莓汁幾特別，吊出豬鞍嘅鮮味。配菜一啲都唔馬虎，薯仔切成細細粒，再加黑椒炒過，非常惹味。（記住Like同Share畀朋友）