花子舍 (Closed)

有日尼到依度食晚餐，慶祝朋友生日。環境幾好，黑黑地，有氣氛，雖然無人排隊，但都差唔多坐滿哂人！依度真係幾有情調，裝修得幾靚，不妨可以影多幾張相食物方面，大失所望，真係唔值依個價！意粉同飯味道普通，無咩特別。另外d肉好硬，無乜味，可能因為狂影相既關係，d野食都凍哂，味道超級麻麻，幾個朋友都話難食。不過賣相唔錯既！可能只係我地掛住影相問題。~_~我地之後都話，其實食唔飽，但又唔會想再叫野食。不過我地超級滿意員工服務態度。佢地收21:00，當時我地仲未食哂，又未切蛋糕，員工都完全無吹過我地，反而仲肯幫我地係門口影相，very nice！

我記得同男朋友慶祝拍拖半年既時候就係去左呢間餐廳食飯。一早已經係openrice預約左，不過可能係平日，同埋好早去到（六七點），所以入到去都唔太多人。一入到去就覺得餐廳裝修好靚女仔一定會鐘意，同埋都幾靜幾浪漫。咖啡拉花拉得好靚，不過我覺得我果杯Greentea latte好飲啲，下次黎到都會叫番呢樣。 仲有就係個軟腳蟹飯，我地都覺得好好食，送試黎果時好脆口，加埋個墨汁飯係絕配。仲有個豬手！呢個真係值得推介，好大食又抵，個人覺得性價比極高，但最衰係我唔記得左影相。不過個沙律就一般般，可能我一黎唔太鐘意食沙律，二黎覺得啲醬有少少怪，可能我唔太食得慣，但我男朋友就好鐘意食，成碟比曬佢食lol。

兩口子帶小友過對面海作音樂練習。人身處在中央圖書館附近，對吃有點要求的我很自然就想走過去大坑那邊揾食，但太太一聽到後，面就燶了，說要行得太遠了....小弟無奈，唯有改而在附近找有甚麼地方好吃....亂打亂撞地走進信德街，在短短一條街中有數間食店。沒有甚麼頭緒要吃甚麼，就隨意走入去其中一間....一走入去，頓時就嗅到滿室花香，四圍都是花有關的裝飾，果然是店如其名，一個"花子舍"....我不是愛花之人，也覺在這環境之下用餐，著實是讓人心曠神怡....各人點自己想吃的，小友越來越大食，竟點了件頭最大的All-day；我則來一個班尼迪蛋；太太一早料到小友會吃不完那全日早餐，所以預了要執手尾，故只點了一個Pancake當成甜品食....果然不出所料，看到那All-day的陣容，莫說小友，就連我這個大個頭也有點擔心會吃不完....一只大碟中，放滿了炒蛋、豬肉腸、薯餅、炒蘑菇、燒蕃茄、焗豆、沙律菜、煙肉、火腿及多士，材料真是多得講都講到口軟啦....味道方面，正正常常的。這一類不需要特別複雜技巧去煑的配料，弄出來基本上在那兒食都不會有太大差別。小友的最愛，當然是啖啖肉的香腸以及滑溜的炒蛋；我反而挺愛

這次是生日飯，選擇左一個比較多花既座位，好清新。首先，環境比較清靜。然後個餐湯比較濃得黎唔會太鹹，前菜鴨胸比我想像好，夠清，唔係好似以往食既咁鹹。牛扒夠軟熟，唔硬，手工薯條夠薯仔味。豬鞍架有小小失望 某D位太”un” 好難咬，不過味道真係幾唔錯！個甜品上之前 店員仲唱埋生日歌，服務好周到，甜品係玫瑰蛋糕，玫瑰啫喱好香玫瑰花味，清新唔俗，配個cheese cake 係幾好，唔會濟，但可以嘗試比鮮花瓣，味道會更好。

雨濛濛的天氣，原本約了朋友到郊外遊，但鑒於天氣關係，兩人改了在市區找個地方歇一歇。走進銅鑼灣信德街附近，較為少人，卻隱藏了一間花草佈置的餐廳，兩人坐低後，蝴蝶結姐姐點了一個全日早餐，而朋友則點了個花子舍熱香餅。全日早餐包括了烤多士、薯餅、黑椒肉腸、煙肉、焗豆、炒蛋和炒雜菌。特別喜歡那個炒蛋，軟滑得來又滲着牛油的香味，放在烤多士上一齊食口感尤其豐富。特別配上了玫瑰花茶，氛香撲鼻的玫瑰花香味，在濛濛細雨下換上好心情。至於朋友的花子舍熱香餅，材料則有香蕉、混搭朱古力和忌廉，鬆軟的口感配上幼滑的忌廉，口感親切，作為下午茶或甜品是不錯的甜食。喜歡玫瑰花的，還可以試一試這個玫瑰花芝士餅，底下層是濃郁的芝士餅混合士多啤梨塊，上層是玫瑰花啫哩，層次分明而口感清新。身處在恍如花園的環境下，呷一口香茶，愜意休閑，亦是替代遠遊的一個選擇。

最近在銅鑼灣上班，聽同事說在銅鑼灣小巷有一間精緻的餐廳，於是收工試一試！與友人點了兩份是日晚餐，晚餐包沙律、餐湯和餐酒。餐湯：西蘭花湯餐湯入口creamy，味道濃郁，加上麵包粒，味道不錯。沙律：鴨胸沙律沙律加入黑醋調味，非常開胃。主菜：慢煮三文魚配番茄牛油汁伴忌廉薯蓉($188)由於三文魚用了慢煮的方法烹調，可以保留肉汁，三文魚質地柔軟，不會過熟。配上番茄牛油汁作調味，味道非常配合。主菜：香草包糠焗紐西蘭羊扒($208)羊扒的外層包滿麵包糠，再焗熟，可以鎖住羊扒的肉汁，香草和羊扒的味道很合拍。配菜有燒薯仔和翠玉瓜。

今次嚟到花子舍搵食！ 小店裝飾佈滿了乾花及保鮮花，吸睛之餘又帶來清新的感覺，好適合收工後放鬆心情，同另一半享受晚餐。Set dinner選擇不算太多～但有幾款都想試呢餐湯今天的餐湯是濃蕃茄雜菜湯，蕃茄膏味非常重，酸酸地配合雜菜清甜爽口，好開胃。沙律鴨胸皮和肉肥瘦均勻，肉味香醇，沙律菜除了用沙律醋，還加了檸檬汁和香芧調味，這個配搭非常突出。大蜆扁意粉配蟹肉醬忌廉汁（$158）忌廉汁採用了蟹肉提升鮮味，而且蟹肉份量亦不少，増加了意粉口感。蜆肉都算大粒，味道亦很鮮甜。慢煮加拿大豬胺架配紅莓汁（$198）配菜薯角用了孜然粉調味，唔會淡貿貿，慢煮的特色保持肉質鮮嫩多汁，再將表面煎香脆，好水準，唯獨是紅莓汁味道不足。洛神花茶 $32 +蜜糖 $3套餐包了紅酒或白酒，但身處花花世界當然要添加一壺花茶，由於洛神花茶味道偏酸，我另加了蜜糖中和一下，而且味道還很夾👍🏼白酒白酒易入口～酒精度適中配以意粉味道很夾整餐飯非常滿意～建議可要求予約一進門口的花花空間有私隱得來又夠浪漫🌹

好多乾花設計既餐廳叫左兩個set dinner，有餐湯 沙律 主食同紅 or 白酒。意大利雜菜湯，好多料既雜湯。腰果豆同鷹嘴豆好粉嫩，仲好多添。紅蘿蔔同西芹粒都好甜，處理到無草味。湯水蕃茄味重同結身，酸咸，咸可以減d更好！沙律係鴨胸肉加沙律菜。沙律菜係泰式青檸醬，幾新鮮食法，同咁食沙律菜爽甜d。鴨胸肉煙味唔重，但帶d甜味，咁食幾清新。餐湯同沙律都好酸甜開胃，好岩花主題既餐廳，有心。主食都選左海鮮類燒老虎蝦配蒜片辣椒墨魚汁既香草扁意粉$160，非常香。有少少沙律菜。兩隻老虎蝦size中型啦，蝦肉辣舌嫁，一時不為意，都彈肉既。墨魚汁既香草扁意粉，香草感不覺，但意粉硬身，I like。慢煮三文魚配蕃茄牛油汁伴鮮忌廉薯蓉$188，好色彩。依道菜好多蔬菜，有椰菜花 蕃茄 西蘭花 紅蘿蔔 沙律菜。煎香既蕃茄好多汁唔酸，而且keep到圓圓滿滿既外樣。紅蘿蔔連西芹豆，好食，西式無渣多因為細細。香草蘿蓉creamy同full，有點薯仔粒配三文魚是一林一咬。慢煮三文魚比較嫩滑，主要帶生同熟得岩岩好。紅餐酒偏酸感口味，勝左無渣唔會好粗糙。女仔飲易口味，因為酸甜，同小勝酒力，嘻。白餐酒比紅餐酒酸，配三文魚好。

今晚我為了同我朋友慶祝生日，經朋友介紹到了一間隱世少少，但食物同價錢都不錯的餐廳。門口已經有一種悠閑的舒服感覺，餐廳內裝修更令人感relax, 有不少花同植物的裝飾，有清新的感覺。雖然不是很大，但座位也算寬同坐得舒服。見到個Set dinner menu，就已經覺得價錢都幾抵食。 套餐選擇不少，價錢由一百多元二百多元，包括了湯，前菜，主菜和飲品（可以點紅酒)。我覺得食物同飲品也很好吃，而且價格不貴，很抵食。這裏是間服務態度不錯的溫馨小品店，值得一試。我們叫了以下套餐和甜點：紅酒（餐酒）-好容易入口，不錯。薯仔忌廉湯（餐湯）-個湯好好飲，有濃郁嘅薯仔味，忌廉味剛剛好，不會太膩。麵包糠吸了湯,好正。鴨胸肉沙律（前菜）-鴨胸肉肉質冧，而且味道好香，加上有調味的蕃茄碎連汁，好好吃。菜也新鮮不錯。香草包糠焗紐西蘭羊扒(主菜）-意想不到這塊羊扒味道不錯而不騷。肉質滑，不老。有焗香了的麵包糠在面，又香又脆。個香草蛋黃醬非常可口，羊扒加上這醬，非常夾。慢煮加拿大豬鞍架配紅莓汁(主菜）-我覺得這個豬鞍架好Juicy,肉質鮮嫩。好似用黑椒，洋蔥，香草，紅綠青椒粒來煎。個汁還有黑松露同菇，真的好好吃。蘋果烤

天氣好凍 走過寒冷的街道 好友將我帶到一間小小的店 柔和的燈光 淡淡的花香 將我沈重的心情都慢慢沉澱起來 好好享受寧靜的晚餐。Set dinner / openrice訂座主餐牌半價都好抵～ 我們揀左set dinner, 有餐湯。沙律。主菜。餐酒。晚餐種類很豐富 豬牛羊雞魚、意粉意大利飯都有。餐湯～芝士忌廉湯 濃濃芝士味 入口頗滑。前菜～ 煙鴨胸黑醋沙律 鴨胸幾軟熟 沙律菜亦幾新鮮爽脆。主菜～ 慢煮豬鞍好juicy~ 份量亦好大 慢煮過後再加香草、黑椒、海鹽輕輕煎香 配上紅莓汁 原汁原味。配菜～沙律菜 焗薯粒。炭燒紐西蘭肉眼～ 肉質鮮嫩 牛味頗濃 火喉剛好 鎖住肉汁和水份 yummy~ 配菜和豬鞍有點不同～鮮甜車厘茄 炸薯條 各有各好味。炸水牛城雞翼配辣蕃茄莎莎醬。雞翼炸得好香脆 炸粉唔會太厚 微微帶點辣沾上蕃茄醬更惹味。如果唔飲餐酒 可以半價飲花茶或者其他特飲。天氣太凍 女生都是飲下洛神花茶加蜜糖比較好：）

令人放輕鬆女生天堂@花子舍 銅鑼灣信德街9-11號百威商業大廈2-3號地舖 女生總愛流連環境優雅的地方,小橫街中發現了此小店，被環境吸引而進去用晚餐。晚市set dinner約二百元左右，包湯，沙律及餐酒，如我不喝酒可半價轉特飲或花茶，另外可加公配點小食。有肉外照顧了素食人的需要，我因要健康低卡點了份田園三色藜麥$165，有青瓜，車里茄，甜椒，粟米，，洋蔥，紅腰豆同鷹嘴豆泥。好飽肚的藜麥，健康高蛋白質，大量蔬菜顏色好看之餘也攝取了一日所需纖維同營養。藜麥熟透後口感碎米的，調味的salad dressing油醋汁吃下就爽利不會單調。湯是西蘭花忌廉湯，加上麵包粒，落重忌廉打得西蘭花好細好滑。沙律擺盤很美哦！法包上有青椒蕃茄粒同芝士，太靚又精緻，跟餐的沙律也那麼講究，個沙律汁有檸檬葉香。半價轉了薰衣草茶，正價$58，天氣冷想飲熱，熱力令花香滲出聞到更放鬆。要喝甜加點了$58炸水牛雞翼配辣蕃茄沙沙醬，想開胃當然要吃點辣，鮮茄切碎成醬其實唔辣,雞翼香口而多肉肥美，一客4隻。因2個人再加田螺焗薯皮$112,即焗而薯皮好沙好軟腍,中間釀入彈牙螺肉,yummy放滿了乾花就飲間花店，食身擺碟見用心，想鬧

值得試游閒好味喜歡下午茶時段，吃午餐或下午茶。份量足又美味。飲品也大杯。喝咖啡吃東西很好。雖然那時段有幾張吉枱，但不知老闆意思會否介意看書飲野慢慢坐。我們二人吃了一個午餐兩個下午茶餐。很想試試牛扒。下次去吃晚餐。

好鐘意行銅鑼灣既橫街小巷總會有驚喜發現,今次比依間神秘又優美既西餐廳吸引; 入到去到處都係花,不論門口,牆壁,抬面都係花,,仲有小蠟燭…浪漫輕鬆感覺升級放工黎到銅鑼灣唔再只係繁忙,,原來可以咁放鬆;除左環境食物都令到我好驚喜;🌷🍃 我地叫左2個DINNER SET,,餐湯係羅宋湯,, 酸中帶甜,,甜中帶香;好足料——前菜沙律🥗靚到不得了，鴨胸肉配沙律菜，旁邊仲有朵花好靚既伴碟仲配番餐廳花既主題🌸 —— 慢煮加拿大豬鞍架(8oz)配紅莓醬$198超厚既豬鞍架酸酸甜甜令人胃口大開，1d都唔韌，口感豐富嫩滑多汁又有彈性，薯粒同瓜都好入味—— 炭燒紐西蘭肉眼扒(10oz) $258 配薯條、沙律 ；薯條🍟係用真既薯仔新鮮炸熟，非常香脆，口感比平時食既更豐富更有薯仔味；肉眼扒係五成熟，入口好Juicy，肉質鮮嫩唔會韌 花子冰$75 非常有心機既飲品洛神花茶裡面既冰都用心製作～係用紅莓直接制成冰，酸酸甜甜好好飲又開胃黎緊情人節已經諗到地方了🤭

首先, 食物來說,質素是不錯的也有Main menu半價優惠~所以不太在乎服務質素的朋友, 不妨一試。好了, 說說為甚麼這會是一次不太愉快的用餐經驗首先, 我電話訂座和當日入座時, 都沒有人提及到有用餐時間的限制當晚,我跟朋友約7:30pm到達餐廳營業時間到10pm (有人8:10pm想入內用餐都被拒諸門外 (當時尚有幾張吉枱) )8:30pm女侍應走過來跟我們說last order了我們隨即點了甜品以為就算last order,我們還可以慢慢邊吃邊聊天大概8:45pm, 員工已開始明顯地準備收工, 關抽油煙機, 關抽氣扇, 洗碗洗到超大聲...9:00左右, 我們還在吃甜品, 廚房已收拾好, 一位男性員工站在我們看到的位置, 讓人感覺到他就是等得好無聊, 所以要玩手機重點: 吃完甜品我們馬上結帳離開, 侍應跟我們說正門已鎖, 要我們從後門離開明知還有客人, 為甚麼要鎖正門呢?從未試過吃飯吃得如此大壓力感覺阻礙他們收工, 認真罪大惡極如果當初有說清楚用餐時間有限製的話, 我們會先行預計好的~而不是我們邊吃邊承受店家所施予的壓力。

隱秘既文青花店，以西餐為主題。店入面幾多乾花幾吸引，令人好似係花園入面食緊野咁，感覺好RELAX。一個餐包餐湯，沙律，仲有餐酒，幾抵。西蘭花忌廉湯好黏好重忌廉，好有口感。沙律，個汁帶柚子味,幾fresh。燒老虎蝦，蒜片辣椒墨魚汁，香草醬扁意粉$160老虎蝦有兩大隻，開邊，燒到岩岩好。墨魚汁係新鮮炒，食到個咀會黑晒，好香墨汁味，同埋橄欖味。慢煮加拿大豬鞍架8orz配紅苺汁 $198用慢煮方法烹調的豬鞍架，肉質唔會好UN，有Ｄ位好軟，感覺唔似食緊豬，而且豬鞍架肥瘦平均，唔會太多肥膩肉，可以鎖死肉汁，配上紅苺汁幾夾！餐酒點左支杯白酒，可以清油膩，唔會好嗆喉，感覺都幾好。餐廳裝潢以至食物都感到好用心，主菜都會加d乾花上去做裝飾，感覺老闆好喜歡花，女仔應該好喜歡呢種感覺。