粵藝館 (時代廣場)

Open Now

Now Closed

難得放假陪媽媽媽飲茶係指定動作💕💕，今日特意揾左間日式粵菜館試下，位於時代廣場10樓交通方便。店內以和式設計，燈色柔和有氣派，枱與枱之間鬆動，仲有好多梳化位，最啱就係慢慢嘆茶。✨️✨️午市有商務套餐或者散叫點心，先點左碟辣味蘿蔔糕，厚切的外型包含了手切蘿蔔絲嘅質感，胡椒味重加上少少臘腸非常惹味😋😋😋。水晶菜苗蝦餃，外皮好薄包滿，內裡菜苗應由上湯焯軟再包蝦肉，鮮甜可口👍👍。主角出場-＞＞＞天下第一豬，做到皮脆肉嫩，中間有🤏🤏少少肥肉，加上無花果醬，甜甜酸酸好開胃。通心脆脆卷~咪以為係普通春卷，師傅巧妙增加外層空間感，咬落更薄更脆，餡料是蔬菜絲，要充分保留蔬菜水份又唔可以令外皮太林真係難度高👏👏。爆汁鍋貼~粒粒掌心咁大🤚，一咬果然好多肉汁，外皮好脆加上調味剛好嘅鮮肉，恰度好處。啫啫唐山菜~用煲仔上更原汁原味，熱辣辣的蝦醬伴上剛煮嘅唐山菜，不油不膩🥬🥬。總括而言，這裡飲茶係種享受，環境清靜，店員服務好好，除主動酙茶外，還會主動換上熱茶，又會介紹餸菜特色，原來在最近在海港城新開分店，飽覽維港景飲茶又唔錯喎，等我下次試下先🤗🤗🤗。