Video
Read full review
2023-08-23
112 views
大圍愈開愈多小店美食，今次呢間都係大隱隱於市，等大家慢慢飲返杯茶，歎返餐美食🫶🏼據聞呢度係想爺爺了嘅副線餐廳，利申未試過，而呢度嘅茶飲介紹好清楚易明，走大眾化路線！東坡肉$85用咗香料浸煮，味道甜而不膩且帶點點肉香🥰配上刈包，可能影相影耐咗啲肉已經凍咗🫣食入口凍冰冰咗少少🤏🏼 正山小種紅茶（可可香）$168店員教我哋聞一聞杯蓋上瀰漫嘅氣味，滲透淡淡嘅可可豆香，有朱古力食完後嘅脂油感。整體比較厚身、香濃嘅茶款。即使食客開始多，店員每次上嘢食時候都會細心介紹食法、步驟、餐具小巧思！店員有同我哋講茶杯墊墊底刻咗字，可以留意吓，不過我哋都唔明句句子嘅意思🤣「閃的不是腰而是才」集思廣益一吓，到抵咩意思🤣但係茶壺容量比較少，每次都要叫店員加水，我哋都唔好意思🤣不過店員服務態度超好，我哋來回加咗不下6次水，店員都無say no🙌🏼桂花岩茶凍捲蛋$56中間個cream好重茶香🤤捲蛋比較甜，中和茶忌廉嘅苦澀味；中間岩茶凍一定要襯搭成件cake食，就咁食有啲啲苦。整體食落甜度掌握得幾好，有茶香，不過捲蛋嚟講，蛋味有點不足🫣川風担担寬麵$88好食！辣度掌握得啱啱好！🥰醬汁有番茄、肉碎，麵嘅韌度啱啱好🙌🏼拌埋
東坡肉$85
用咗香料浸煮，味道甜而不膩且帶點點肉香🥰配上刈包，可能影相影耐咗啲肉已經凍咗🫣食入口凍冰冰咗少少🤏🏼
正山小種紅茶（可可香）$168
店員教我哋聞一聞杯蓋上瀰漫嘅氣味，滲透淡淡嘅可可豆香，有朱古力食完後嘅脂油感。整體比較厚身、香濃嘅茶款。
即使食客開始多，店員每次上嘢食時候都會細心介紹食法、步驟、餐具小巧思！店員有同我哋講茶杯墊墊底刻咗字，可以留意吓，不過我哋都唔明句句子嘅意思🤣「閃的不是腰而是才」集思廣益一吓，到抵咩意思🤣
但係茶壺容量比較少，每次都要叫店員加水，我哋都唔好意思🤣不過店員服務態度超好，我哋來回加咗不下6次水，店員都無say no🙌🏼
桂花岩茶凍捲蛋$56
中間個cream好重茶香🤤捲蛋比較甜，中和茶忌廉嘅苦澀味；中間岩茶凍一定要襯搭成件cake食，就咁食有啲啲苦。整體食落甜度掌握得幾好，有茶香，不過捲蛋嚟講，蛋味有點不足🫣
川風担担寬麵$88好食！辣度掌握得啱啱好！🥰醬汁有番茄、肉碎，麵嘅韌度啱啱好🙌🏼拌埋一齊好味呢🤤
舖面始終比較細，坐到咁上下見出面有人排隊，都會有壓力走🤣而整體嚟講，值得一試！
Post
