茶木‧台式休閒餐廳 (Closed)

公司今天冇乜嘢可以做，可以早啲收工·，約定太太去銅鑼灣，行吓商埸同埋睇吓有乜新戲上演。因為冇乜特別想睇嘅，所以行咗去揾間餐廳食埋飯先回家。早排聽啲朋友講，話駱克道有間以卡通人物小丸子做主題，都幾得意嘅，因我太太都鍾意小丸子，所以就去咗呢間餐廳。去到餐廳坐底，睇完餐牌後，我点咗一個 小丸子番茄肉燥鰻魚飯、太太要咗個小玉南瓜海鮮魔法同埋小丸子熱香餅、飲品要咗 沙崙玫瑰咖啡拿鐵另外一杯邀咗爺爺抹茶歐蕾，兩杯飲品嗰名都好特別，玫瑰咖啡味好有玫瑰花味， 融入咖啡當中味道係另有一番風味，跟住就係 肉燥鰻魚飯，鳗魚肉質好有咬口，嗰汁都非常正，配搭一流，小丸子熱香餅，係非一般嘅熱香餅，非常香脆，太太因為俾嗰餐廳主题吸引住，係咁影相，攪到我非常冇引，最後等佢影到夠喉先埋單。 臨走都仲要影多幾張，真係冇佢辦法。