慢煮工業 (Closed)

星期日難得行過尖沙咀，決定去間想去好耐都未去既餐廳試試。呢間餐廳個位置真係有d估佢唔到，開左係個公園既入面，大小就好似細個去公園買吱吱冰既小食店咁大。不過開正係永安對面，都幾易搵到。小店買既食物種類都幾多，仲有唔少手工啤酒，可惜早午無咩mood飲酒，如果夜d黎可以試試。我地叫左個三文治加炸蘿蔔糕條&大啡菇。等左10分鐘就有得食啦。安格斯牛排芝士三文治加炸蘿蔔糕條一份有2件，外觀好吸引，牛肉好淋又有肉汁，加埋煎過既麵包，外面脆，裡面軟，口感唔錯。炸蘿蔔糕條有驚喜，加左$8覺得好抵。都有成5條，炸得香脆，有粗粗的蘿蔔絲，口感很好。芝士流心蛋大啡菇外觀吸引，咬落好多汁，加埋流心蛋，好正，不過$28一隻略嫌有少少貴。開係公園入面，店內外當然都無冷氣，而且無枱櫈，如果買左就要係坐係公園既櫈上面食啦。總括黎講，今次午餐體驗都唔錯，熱就熱d，不過第一次食慢熟既野，覺得都幾好味，而且又有肉汁，唔錯。