美味故事 (Closed)

7點鐘到，人唔算多，可以選近窗邊的特色檯坐。有8款套餐可以選擇，用疑似高科技實則有點麻煩的QR code落單。自助為主，不過職員都好友善，我地唔記得係自助加水，叫左佢地幫手，但都冇拒絕餐前飲品：芒果沙冰芒果味濃郁，量不多，少少一杯，涼下口餐湯：南瓜濃湯超濃郁的南瓜味，食到佢的真材實料，如果可以真係想encore沙律：溫泉蛋蟹籽沙律餐前小食：紫菜雞捲朋友介紹必食，第一次食用紫菜包住雞肉同蟹柳的壽司，我覺得叫蟹柳捲比較適合，蟹柳味好出，明明食緊雞肉都好似食緊蟹柳，好奇特的口感主菜：慢煮安格斯牛柳慢煮令到肉汁鎖住在入面，加上最佳配搭黑椒汁，食得很滿足。不得不提係主菜中的煙三文魚焗薯，蛋黃醬加焗薯真係好好食。飲品：玫瑰洛神養顏花果茶唔想飲凍飲，熱飲加養顏，偽養生派必點。洛神花用黎沖茶，比例要夾得好，不然會太酸，這杯玫瑰洛神同茶的比例啱啱好。甜品：榴蓮慕斯整個set最好食的，奶凍的質感，榴蓮味濃郁，而且仲有舊真榴蓮肉在裡面，鍾意食榴蓮的人一定要試下。