Video
Read full review
2016-07-19
316 views
又到放工搵食時間，同事話想去呢間BV Kitchen & Bar食，因為有歌手獻唱，夠晒Relax咁話。餐廳唔係好大，燈光柔和，而且有音樂聽，感覺幾舒服。打開餐牌，有頗多小食選擇，個人覺得幾吸引，於是點左幾款黎試。原隻燒辣墨魚 ($138)，夠厚肉，味道微辣，燒得夠香口，好食。黑松露芝士薯條 ($88)，薯條切得粗身，賣飛佛，上面有溶左既芝士，另灑上粒粒黑松露，好香，唔駛點茄汁都夠晒惹味。燒烤汁雞中翼 ($88)，烤得稍為乾身，但調味唔錯，喜歡食雞翼既可以考慮。慢煮黑安格斯牛柳 ($288)，呢個係必食推介，牛柳極腍，有肉香，而且充滿肉汁，一食難忘。飲品方面，呢杯係其中一款招牌雞尾酒Blue Aurora ($108)，用冧酒、桃汁同薄荷葉製成，味道清新怡人，突然令我諗起細個飲過既Get 21薄荷酒，當然呢個無咁甜，感覺良好。 唔飲酒精飲品既朋友，可以試呢款Holiday ($88)，用熱情果、西柚同酸糖炮製，味道酸甜夠醒胃，唔錯！
餐廳唔係好大，燈光柔和，而且有音樂聽，感覺幾舒服。
打開餐牌，有頗多小食選擇，個人覺得幾吸引，於是點左幾款黎試。原隻燒辣墨魚 ($138)，夠厚肉，味道微辣，燒得夠香口，好食。
黑松露芝士薯條 ($88)，薯條切得粗身，賣飛佛，上面有溶左既芝士，另灑上粒粒黑松露，好香，唔駛點茄汁都夠晒惹味。
燒烤汁雞中翼 ($88)，烤得稍為乾身，但調味唔錯，喜歡食雞翼既可以考慮。
慢煮黑安格斯牛柳 ($288)，呢個係必食推介，牛柳極腍，有肉香，而且充滿肉汁，一食難忘。
飲品方面，呢杯係其中一款招牌雞尾酒Blue Aurora ($108)，用冧酒、桃汁同薄荷葉製成，味道清新怡人，突然令我諗起細個飲過既Get 21薄荷酒，當然呢個無咁甜，感覺良好。
唔飲酒精飲品既朋友，可以試呢款Holiday ($88)，用熱情果、西柚同酸糖炮製，味道酸甜夠醒胃，唔錯！Post
