Video
Read full review
2022-10-30
2198 views
呢日嚟到megabox戲院外面嘅The Salted Pig 見到佢有個全日happy hour嘅promotion 覺得好吸引就入咗去🥰 之前嚟食過佢招牌鹹豬手覺得唔錯 今次就想試吓其他野😙烤斧頭豬扒 煙肉椰菜仔 薯條斧頭豬扒好厚身 切開仲係勁juicy🐷 切到中段近骨位置 豬肉呈粉紅色 同行友人有啲擔心未熟透😮 搵咗店員過嚟幫手 店員同我地解釋返舖頭用美國豬肉 特意烹調至八至九成熟 咁樣可以保留豬肉嘅肉汁 令豬肉更嫩滑😋 更表示如果我地有需要 可以再幫我地烤熟啲 最後再烤熟啲嘅斧頭豬扒其實都唔會太韌 我覺得呢間嘅豬扒都整得幾出色 即使全熟都唔會好鞋口同好難咬 再配埋蜜桃汁🍑 味道更加提鮮 側邊嘅配菜亦都幾好味 有煙肉同埋椰菜仔 椰菜仔仲好甜🥗慢煮醬燒牛肋骨 烤薯 波菜呢個非常有驚喜☺️ 由於係慢煮 牛肋骨肉質軟腍 而且已經起咗骨 好方便食用🐮 份量亦都好多 牛肉嘅肥膏部分都好易入口 已經煲到入口即溶😋 再配埋烤薯同埋波菜🥬 呢個係個幾均衡嘅主菜蒜辣欖油大蜆意粉雖然餐牌上面有隻辣椒🌶️ 表示呢碟意粉係辣嘅 落單時店員都有提醒呢碟意粉係有少少辣嘅 但辣味比想像中淡🍝 小朋友食都完全唔係問題
呢日嚟到megabox戲院外面嘅The Salted Pig 見到佢有個全日happy hour嘅promotion 覺得好吸引就入咗去🥰 之前嚟食過佢招牌鹹豬手覺得唔錯 今次就想試吓其他野😙
烤斧頭豬扒 煙肉椰菜仔 薯條斧頭豬扒好厚身 切開仲係勁juicy🐷 切到中段近骨位置 豬肉呈粉紅色 同行友人有啲擔心未熟透😮 搵咗店員過嚟幫手 店員同我地解釋返舖頭用美國豬肉 特意烹調至八至九成熟 咁樣可以保留豬肉嘅肉汁 令豬肉更嫩滑😋 更表示如果我地有需要 可以再幫我地烤熟啲 最後再烤熟啲嘅斧頭豬扒其實都唔會太韌 我覺得呢間嘅豬扒都整得幾出色 即使全熟都唔會好鞋口同好難咬 再配埋蜜桃汁🍑 味道更加提鮮 側邊嘅配菜亦都幾好味 有煙肉同埋椰菜仔 椰菜仔仲好甜🥗
慢煮醬燒牛肋骨 烤薯 波菜呢個非常有驚喜☺️ 由於係慢煮 牛肋骨肉質軟腍 而且已經起咗骨 好方便食用🐮 份量亦都好多 牛肉嘅肥膏部分都好易入口 已經煲到入口即溶😋 再配埋烤薯同埋波菜🥬 呢個係個幾均衡嘅主菜
蒜辣欖油大蜆意粉雖然餐牌上面有隻辣椒🌶️ 表示呢碟意粉係辣嘅 落單時店員都有提醒呢碟意粉係有少少辣嘅 但辣味比想像中淡🍝 小朋友食都完全唔係問題 一定handle到😉 都有好多蜆喺意粉入面
Mango Mule呢杯係芒果青瓜特飲 入面有蜜糖柚子同薑汁啤酒 我幾鍾意呢杯🥒 入口幾fresh😙
水果乳酪奶昔有三種口味選擇 友人揀咗芒果同菠蘿味🍍 味道飲落口唔會太甜🥭 啱晒夏天飲
整體嚟講 呢間嘅店員服務都幾好👍🏻 呢餐我最滿意個慢煮醬燒牛肋骨😝 大家都快啲嚟試吓 不過食豬斧頭扒嘅朋友就要留意吓啦 如果覺得唔夠熟有擔心嘅話 係可以叫店員幫手再烹調㗎😺
Post
