美味故事 (Closed)

朋友推介去旺角(美味故事),在B3出口行上天橋轉左,出番彌敦道往太子方向,行多二十幾步就見到寛成大厦上一樓,好容易揾到,我們一行四人到步,見到入面的環境好似溫馨的家感覺,之後店長安排我們坐在窗邊卡位,可以見到彌敦道,我點了慢煮羊後膝晚餐,好快就來了每人一小杯芒果沙冰,是用新鮮芒果打出來.非常香甜好醒胃,再來一個蘑菇濃湯,好重蘑菇味重有小小蘑菇粒,好好飲日式麻醬蟹柳沙律+蒜蓉法包紫菜雞卷,雞卷好精緻味道唔錯.終於來慢煮羊後膝配肉醬意粉,先吃一口羊膝肉,嘩!好霖好有膠質超好食好可能是慢煮的效果,係我從未食過的食物保持原汁原味,因為我是第一次食慢煮食物,肉醬意粉造到有小小咬口我鐘意,甜品榴槤慕絲是用D24好香濃的榴槤味這個晚餐非常深刻印象,已大力推介給朋友。