Lawry’s The Prime Rib

Open Now

Now Closed

一直都想試Lawry’s the Prime Rib, 印象中遷址幾次，今年生日終於一試。環境寧靜優雅，特別喜歡半圓嘅天花，好似置身歐洲般。二人晚餐算抵食，不過個別菜式需要加錢升級，就好似龍蝦湯同龍蝦尾，分別每位都要加$88。前菜油封龍蝦鮮甜無比，配以龍蝦湯嘅sauce, 鮮味double up! 冰旋翡翠沙律，其實冇乜特別，只係有個侍應喺你面前，用個盤隔住啲冰攪沙律，隻叉同隻碟雪凍咗。龍蝦湯好濃味，但個人覺得有點鹹。大西洋龍蝦尾，清蒸的，配上牛油忌廉，鮮甜彈牙，必試！嚟到主菜燒牛肉，廚師喺你面前即場切肉，我冇upgrade厚切，只係要咗California 薄切，已經好夠食。牛扒肉質柔軟，富有肉汁。整體用餐體驗好好，服務員服務無可挑剔，好細心有禮貌，仲送上即影相片以作留念，慶生體驗相當良好！