Lawry’s The Prime Rib

Open Now

Now Closed

非常值得嚟食嘅餐廳！ 牛扒係銀色餐車上面，侍應會問你要幾成熟同幾大塊，再淋上gravy，可以加錢for薯蓉同菠菜。肉眼扒食得出真係高質靚牛，肉味濃郁得嚟輕輕一切就切得開，冇咩筋，同gravy味道好夾，亦可以落啲胡椒粉同點芥末醬調味，塊牛嘅肉質同味道完勝出面啲普通cafe。另外餐湯都有驚喜，入面落左好多嘅蟹肉，都幾足料。佢仲有個招牌沙律，侍應會將沙律碗放喺冰盤上面，將沙律碗大力旋轉，利用離心力再起勢咁撈。咁樣係咪真係好食啲就唔知，但真係充滿娛樂性

最近係中環Lawry's高級扒房慶祝了生日，果到環境超級優雅，燈光柔和，讓人感覺很舒服。大廳水晶燈和木質裝飾, 高級感滿滿🤭特別適合慶祝特別的日子。服務超級好，服務員都很友善，一入門就熱情接待佢地對菜單也非常了解, 可以根據我們既口味給出建議，非常貼心。我地點了幾道招牌菜，簡直好吃到不行Prime Rib 肉質鮮嫩, 搭配特製醬汁,超好吃, 配馬鈴薯泥，口感滑順，真讓人回味無窮龍蝦 鮑魚都非常好食🤤 吃了還想再來一份仲特別準備左蛋糕 好有心意，勁驚喜Lawry's 真係慶祝生日既好地方！食物、服務同環境都好滿意

Lawry's The Prime Rib 位於中環皇后大道中9號嘉軒廣場3樓，上到去廣場3樓搵咗一陣，原來有個電梯上去，感覺好懷舊。第一次嚟到都幾印象深刻餐廳原來係圍住商場上面員拱形設計，晚間投射燈光都幾靚。絲絨嘅高背凳都幾坐得幾舒服。叫咗呢度signature嘅Spinning salad，侍應姐姐推咗個車出嚟上面有個好大嘅銀色碗放喺啲冰上面不停轉不停攪拌個沙律。都幾特色同埋娛樂性小朋友睇得好開心幾有新鮮感。沙律正常發揮轉完之後都幾凍幾爽脆。仲有一個車厘茄配魚子醬嘅前菜。準備好迎接嘅主菜我哋兩個都叫咗大份啲嘅Lawry cut。但略嫌肉汁味道一般沒有特色和記憶點亦不夠濃味。勝在肉質在厚切的情況下仍然保持鮮嫩。都幾大份，身為牛扒控的我也差點吃不完，夠曬滿足。

餐廳擁有80多年的歷史，裝修以紅色和金色為主調，充滿古典優雅的氣派，讓人一進門就感受到濃厚的老牌扒房氛圍。服務方面，店員態度專業且細心，特別是在慶祝生日時，餐廳會附送蛋糕並協助拍照，儀式感十足，非常貼心。Signature Lawry’s Steak這道招牌牛扒是餐廳的經典之作，大廚會推出一台巨型的特製銀色餐車，在客人面前現場切牛扒，儀式感滿分。牛扒烤得恰到好處，外層微焦，內裡肉質嫩滑多汁，搭配餐廳自家調配的鹽，更能帶出牛肉的原汁原味，令人回味無窮。 由於是慶祝生日，餐廳特別附送了一個蛋糕。蛋糕外觀精緻，非常適合打卡拍照。味道方面，蛋糕不會過甜，口感鬆化，作為飯後甜點非常合適，物超所值。

今次試左晚餐HSBC Premier買一送一Menu $1388/2人（未加一）可惜2025年個menu轉左，無左龍蝦海鮮又加左$200🙈不過都係好有水準嘅牛扒西餐前菜3道都好好食，牛油果卷到咁靚真係出色👍🏻冰鎮沙律超級爽甜，麵包粒超級脆周打蜆湯嘅蜆都好大隻同鮮味，好少飲到咁好飲嘅周打蜆湯，湯底比較似清湯，冇落好多麵粉煮中間有個lime sorbet俾你清味蕾牛扒其實California cut都已經好大份，不過為左影相都叫左一份Lawry‘s cut. 2份都係medium rare好濃牛肉味但無臊味，gravy味道都好濃同牛扒好夾，薯蓉都非常好食甜品好refreshing, 蜜瓜蓉加椰汁雪糕,呢個配搭都幾特別，好食👍🏻另外仲送咗個strawberry short cake做生日甜品，呢個都好好食呀！仲好食過酒店送嗰啲mousse cake最後仲幫我哋免費影咗張即影即有相，好滿意嘅生日飯😊

呢間餐廳係一直一直都好想試，今日我生日，女朋友帶咗我過嚟食，覺得真係食過最好食嘅牛扒（暫時）！喺香港要做到出色嘅牛扒真係唔容易，呢一間開咗咁多年一直都冇機會過嚟食，今次叫咗個dinner set ，望落都幾抵下，買單應該大概二千幾蚊，兩個人，成個set大概食到中間已經超級飽。因為掛住食同埋傾偈，冇影好多相，所以淨係影咗個餐湯同埋鮑魚，呢兩個都係高質嘅，餐湯仲可以加錢變成龍蝦湯，不過我覺得我個牛尾湯都好好飲！

搵食艱難，係中環搵食就更難😮‍💨今日lunch time經過以特級燒牛肉出名的Lawry’s The Prime Rib，無意中發現佢推出左3款只限星期一至五供應的精選午餐，包括主食、薯條和飲品“只”盛為$148 ，依家仲做緊8折優惠😲，就決定“會一會”佢的特級牛肉三文治餐。未打開外賣盒，已經聞到薯條的香味，打開一睇，嘩，齋睇份量就已經無欺場喎！ 一片又一片的燒牛肉，配上洋蔥蘑菇汁，被外層略焦的面包環抱住，一口咬落去，蘑菇洋蔥汁的香洗滌左牛肉的膩但無帶走佢濃濃的肉味，連帶面包的甜味，三者出奇的合拍；薯條新鮮即叫即做，即使外賣都唔會“淋姐姐”，加埋用椒鹽調味，真係忍唔住一條接一條😋；餐飲可以點紅酒或白酒，番緊工的我就好乖甘點左紅莓汁😆幾時試埋其他2款好呢🤔😚

由於曾嘗試假日的brunch，對於食物及服務均感到驚艷，於是決定第二次到訪為另一半慶祝生日，也在確認訂位時表明是慶祝生日的晚餐，餐廳說會安排一份生日蛋糕及拍照。但這晚到訪，由坐位的安排，服務態度和食物的質素，都與第一次有所距離。餐中的California cut約有1/3入口呈粉狀質感。最失望之處是到最後侍應並沒有送上生日蛋糕。 我並不介意要自費甜品（二人晚餐中其實也包括甜品），但本想為壽星帶來一點小驚喜，因為等不來蛋糕想要查詢時，侍應竟然是問我是否要結帳，頓時興致盡失。離開時忍不住詢問前台是否有註明生日慶祝，回覆是有但不知道為何沒有安排，問我是否要安排外賣該件蛋糕，或是下次到訪再送回。想說生日慶祝的氛圍被破壞，不是一件免費的蛋糕能夠彌補。

環境優美❤優質服務❤食物不錯餐廳環境好有舊時高級扒房既感覺，同埋樓底好高，中間係圓拱形，加埋有D 水既倒影咁幾有Feel！店員會介紹各式既套餐及食法，廚師都會黎自我介紹，好有禮貌！會係你面前整冰旋沙律，仲會加埋隻凍叉俾你～🌟 $718 Lawry Cut & $588 English Cut | 所有牛都係同一款，只係切法唔同，Lawry Cut係厚切 (仲有再厚D)，English Cut係三個薄片，女士黎講都夠食，牛肉幾嫩滑，好有牛味🌟 $498 Baby Lamb Steak | 正正常常既羊架，都不錯🌟 $110 Baked Potato | 上檯前店員會介紹有咩配料，然後係你面前撈，幾好食既，但覺得薯仔可以再焗耐少少淋D就更加好！🌟 $60 Creamed Corn | 牛扒既配菜之一，仲有個係菠菜，粟米好甜，甜到唔知係咪加糖～？睇你個人鐘唔鐘意食甜野啦！🌟 $330 Oyster (6pcs) | 就係普普通通既生蠔，都新鮮既不過無乜特別🌟 $330 House Wine Sau (CF) | 幾好飲，Dry Dry地好易入口！如果生日仲可以通知餐廳，可以係隻碟劃名同埋

今日係weekday, 所以有set lunch 供應，比週末的lunch 平好多。午餐時段後來也八成滿座，加上有燈光同日光，和絲絨梳化椅，非常舒服。Lawrys special $438龍蝦濃湯+$60龍蝦湯味道相當濃郁，係鮮美嘅濃湯，口感香滑，沒有太稠厚嘅質地，濃厚真實的龍蝦味，不膩口，幾適合夏天，而且仲有兩件柔軟嫩滑嘅龍蝦肉，味道鮮味，有水準！特級燒牛肉（香港薄切）Roasted prime rib beef au jus - hong Kong 即切的燒牛肉別有風味，燒牛肉色澤明亮，口感柔軟juicy, 既有肉味，又有肉汁又無筋，加上少少牛脂，更加甘香，正！薯蓉是真薯風味，加上醬汁，口感香滑，不錯。Yorkshire pudding 沾上醬汁無咁乾，有少少旦味，充滿英式風格。Tiramisu 這個tiramisu 細細件，似lady’s finger, 濕度剛剛好，甜度剛剛好，加上mascarpone cheese, 淡雅的朱古力味，口感香滑，配咖啡一流。Flat white這咖啡口感香滑，咖啡味道溫和，配上燕麥奶，有淡淡的甜味，不錯。

［Lawry’s The Prime Rib食評］於2024年7月8日午餐。一個位於中環的80多年經典老派扒房，內裏的裝修都充滿復古的味道，包括電梯移動得很慢，都可以看得出歷史。點了他們的午市套餐。餐湯 龍蝦湯🦞餐廳裏瀰漫着龍蝦湯味道，額外加了$60，就可以升級龍蝦湯。海鮮的鹹味衝擊我的味蕾，蝦肉吃到點點冰冷感和生肉，應該是最尾才放上龍蝦肉點綴，整體味道不錯。特級燒烤肉 香港薄切🥩廚師會端一個大烤爐在食客面前切，增加了互動感。我點了一個五成熟，一大片肉滿滿食慾。肉身非常鬆軟，吸了特製的醬汁，很喜歡肉的邊緣位，有少少筋，有口感，且少少烤焦的味道。餐廳配有兩種特製的芥末，一款是較creamy，配上牛肉，一口放進口裏，芥末會像棉花糖一樣消失，並且增添奶油味。另外一款芥辣則辣度十足，嗆口又辣得可通鼻塞。配牛扒的薯蓉及焗布丁，填肚得來又可解肉的肥膩感。暖朱古力蛋糕🍫甜品則有點遜色，巧克力味道不算強，蛋糕都算有空氣感，鬆脆，可是味道沒有記憶點，雲呢拿雪糕也很普通。一頓人均約$500的午餐，服務態度和食物質素都算享受。

結婚週年紀念 ,終於有籍口黎之前好難book,唔知點解宜家好易book同埋lunch 變左半自助餐我覺得，好值😂我未食main 已經好飽，半自助餐：白汁炒青口，凍蝦，沙律芝士蛋糕甜品等等。朱古力蛋糕好好食，食咗兩個簡直係一個大驚喜 真係食主菜嗰陣同我預期嘅一樣好食😂叫咗三成熟，我接受到👍🏻另外加咗錢食薯蓉同菠菜，都係好食如果冇半自助餐，我估我應該食得晒另外午餐佢會送一杯餐酒真係好抵食🙊🙊🙊🙊最後小插曲係唔知點解送甜品嗰陣同我唱咗首生日歌😂😂😂😂但其實係周年紀念，算啦然後有影合照，send返WhatsApp俾餐廳會即時曬返出嚟，同細個睇戲啲傳統西餐廳一樣😂就係想要呢個感覺😂😂😂Btw佢哋個廁所壞咗，有個女職員，但我哋唔知點樣行去一個洗手間，都幾肉酸公廁一樣，喺洗手間個位置敗筆

今日到訪一間中環嘅老牌扒房，雖然係星期三但由於係公眾假期嘅關係，沒有午餐供應只有brunch。餐廳的環境不錯，是傳統的扒房裝修配絲絨梳化座，感覺安靜、開揚及舒適。Brunch set$518自助buffet有芝士、少量海鮮如蝦和煙三文魚，還有沙律和羅宋湯及生果甜品，是比較基本的。羅宋湯主要為什菜為主，酸酸地，帶蔬菜風味，是正常水平。沙律菜幾新鮮，有煙三文魚、紅菜頭、什菜等，有四款沙律汁。特級燒牛肉-香港薄切呢個燒牛肉全瘦的，但牛肉肉質相當軟嫩，而且沒有肥膏，又無筋，啖啖肉仲有肉汁，真係高質嘅牛肉。Yorkshire pudding 大大份，味道不錯，加上薯蓉，真飽肚。甜品是自助的，試左朱古力生果幾正，味道唔太甜，朱古力慕絲旦糕味道香濃，朱古力力味極重；黒芝麻旦糕也不錯，幾香滑，滿滿黑芝麻滋味；而那奶凍也ok, 味道輕甜有奶味。Cappuccino 咖啡泡沫豐盈，口感香滑，咖啡味道平易近人。這個brunch 和平日的午餐差$100， 不同的是多了自助沙律和甜品。

Lawry's Spinning bowl Salad 這就是傳說中的手搖沙律 ~ '冰旋翡翠沙律', 搖完會比隻 "凍义" 你。並附有一支 Lawry's 牌秘製pepper , 可供客人隨自己意願落5落或落多少。凍义：純粹係一隻雪冰左嘅义這間餐廳門口好近商場嘅扶手电梯 （它門之間只有3米 ），招牌位又係括形，好難找到个位置能拍到清楚可見全個餐廳名和整個門口位，但我諗到點拍✌ 好想嚟？在中環嘉軒廣場。到了商場3樓，要搭這透明玻璃才能到達餐廳.#spiningbowlsalad#lawry's #勞瑞斯中環

📍中環老牌扒房‼️·終於一嚐嫩滑prime rib😆 — Lawry’s The Prime Rib🍷·Follow @pigfoodiexhk for more food!🐷#pigfoodiexhk_中環#pigfoodiexhk_西餐=============================上個月嚟咗中環嘅老牌扒房the lawry試weekend buffet brunch😆餐廳寬敞舒適，裝修以美國懷舊風格為主👍brunch menu 可以享用無限量供應嘅頭盤同甜品，另外可以揀一個主菜😆—————————————————————-DELUXE SEMI-BUFFET BRUNCH $518/p.pAPPETIZERS & SALAD⭐️自助精選凍頭盤、海鮮、沙律及湯Unlimited供應!!我自己幾中意三文魚卷同埋青口👍😆·MAIN⭐️特級燒牛肉 -香港薄切 忌廉菠菜 +$60廚師會推住銀餐車即場切出牛扒😍再淋上醬汁😆牛扒好大塊，肉嫩無筋👍yorkshire pudding香脆鬆軟😆個人覺得唔需要加忌廉菠菜，主要都係芝士味嚟，好膩🥲·⭐️波士頓龍蝦班尼迪蛋 呢個都唔錯！english