Video
Read full review
2019-09-14
1007 views
見到AVA Restaurant 評語都唔錯，今年決定同家人去呢到慶生。預約時職員會問要唔要order 玫瑰雪糕，生日會幫你寫埋個名上去。因為第一次去，揾左陣先知入口係酒店停車場中間位置，會有個入口直上餐廳。早咗到，企係門口等Staff得閒先對Booking安排到座位。餐廳其實唔大，但好多都係情侶or閨蜜上黎用餐，所以2人台比較多。被安排坐係房間入面，雖然面向海景，但對住灣仔一帶同K11 Muse， 比較暗，有啲失望。因為其他人塞車，我最早到，坐左差唔多20分鐘，完全冇職員詢問我有冇任何需要，連水都冇一杯😡 直到我忍唔住揾職員俾杯水我，先至有得潤下喉。齊人之後決定先叫Appetizer再慢慢揀Main course. 呢個時候，你需要企起身，行出間房，搵個職員幫你落單🤷🏻♀️決定完Appetizer，等左差唔多10分鐘先有人提供麵包同小食...麵包都好軟綿，有烤熱過先上👍🏻圖下的蕃茄芝士小食就好普通。等左好耐(落單35分鐘後)Appetizer終於上😭蟹肉雙重奏：係一個晶瑩剔透水滴型冰塊嘅中心放上食物，從外觀上就好吸引。 蟹肉沙律，牛油果，芒果，蟹肉，一層一層疊上去。蟹肉蓉加蟹肉已經有
因為第一次去，揾左陣先知入口係酒店停車場中間位置，會有個入口直上餐廳。
早咗到，企係門口等Staff得閒先對Booking安排到座位。餐廳其實唔大，但好多都係情侶or閨蜜上黎用餐，所以2人台比較多。
被安排坐係房間入面，雖然面向海景，但對住灣仔一帶同K11 Muse， 比較暗，有啲失望。
因為其他人塞車，我最早到，坐左差唔多20分鐘，完全冇職員詢問我有冇任何需要，連水都冇一杯😡 直到我忍唔住揾職員俾杯水我，先至有得潤下喉。
齊人之後決定先叫Appetizer再慢慢揀Main course. 呢個時候，你需要企起身，行出間房，搵個職員幫你落單🤷🏻♀️
決定完Appetizer，等左差唔多10分鐘先有人提供麵包同小食...麵包都好軟綿，有烤熱過先上👍🏻圖下的蕃茄芝士小食就好普通。
等左好耐(落單35分鐘後)Appetizer終於上😭
蟹肉雙重奏：係一個晶瑩剔透水滴型冰塊嘅中心放上食物，從外觀上就好吸引。 蟹肉沙律，牛油果，芒果，蟹肉，一層一層疊上去。蟹肉蓉加蟹肉已經有唔同口感，再加上芒果嘅清甜令到呢首菜唔油膩!
(可惜一切就散)
生蠔(一打)： 應該係愛爾蘭品種，比法國蠔細隻，大部份都肥美。夠鮮甜亦唔會海水味重。
白酒汁煮青口：同平時食開嘅白酒汁青口，呢度醬汁相對地煮得濃郁，連青口一齊食不錯。青口份量有點小。
食完三道Appetizer 又係漫長嘅等待...餐廳會盡量一次過上晒，但係職員落錯單，我哋食完又要再等過。
美國肉眼扒配薯條：五成熟嘅牛扒煎得剛剛好，juicy 又好香牛肉味，好食！
雜菌麻花捲意大利麵：曾經食過覺得呢種麵條好特別，呢間餐廳煮得軟硬適中，帶點煙韌。配上牛肝菌同黑松露，未食都嗅到好香！
原條深海鱸魚：見好多人推介所以試下，可惜係全晚最失望嘅一道菜。魚應該係冰鮮，勁唔新鮮，帶點腥，加咗附帶嘅醬汁先叫好味啲。 唔建議大家叫！
海陸烤肉拼盤：龍蝦肉質唔錯，彈牙爽口，個人覺得加上蒜蓉醬汁會太濃味。牛扒冇肉眼扒好食，而且有啲烤過頭。
正餐食完就到重頭戲！玫瑰雪糕係用-250°C液態氮由液體急速凝固成雪糕，成個過程好似個魔術表演😂最後會用液態氮冷凍有機玫瑰花，再一下整碎，令雪糕有玫瑰脆片嘅口感！ 可惜食個陣啲玫瑰片已軟晒... 呢道甜品打卡一流！
味道普通啦...
總結: 食物質素的確唔錯，尤其玫瑰花雪糕好似個表演咁。如果上菜速度可以快啲就好啦。
雖然預訂個陣職員盡力幫我解決泊車問題，但用餐服務真係好差，唔知係咪唔夠人手，即使當時房入面仲有其他客人，我哋每次都需要親自行出房間搵職員幫手。好彩OpenRice而加有7折優惠券，叫做彌補一下呢個部份。
Post
