Video
Read full review
2022-01-21
3453 views
今年生日碰上晚市禁堂食當然失望，計劃在疫情下永遠不似預期，可以同家人享受午市日式鐵板大餐真係要感恩一下~帝苑酒店嘅四季菊午市set有天婦羅、壽司定食、便當、和風定食、鐵板同special set。我地預約左鐵板餐，坐bar台可以欣賞師傅精湛嘅技術，又可以同師傅吹吹水。四個人叫左鮑魚、廣島蠔及美國牛肉薄燒定食 $530 同 鵝肝、大蝦、美國牛肉薄燒定食 $498 各兩set。除左主菜尤其係海鮮唔同 (鮑魚+廣島蠔 vs 鵝肝+大蝦)，兩款set都有美國牛肉薄，同跟沙律、炒飯、麺豉湯、漬物同生果。睇住師傅有技巧地用盡鐵板唔同嘅熱度烹調真係大開眼界，先大火煎鵝肝再慢慢迫d油香出嚟，煎到外脆內幼滑，配烤好嘅鬆脆麵包同黑醋，簡直係邪惡嘅享受。睇住大蝦蝦頭慢慢變橙紅色， 蝦膏蝦油慢慢標出嚟簡直治癒，蝦肉爽口彈牙，啜埋蝦頭啲汁～Perfecto!鮑魚同廣島蠔呢兩款海鮮非常新鮮，廣島蠔多汁鮮甜又滑溜，鮑魚鐵板燒完再薄切，配海藻更爽口，好味道！另一重點就係美國牛肉薄燒，睇住師傅純熟地張薄切牛攤開，放炸蒜同蔥花喺牛上邊並慢慢捲起，反一下就將每人三件牛肉薄燒切開兩邊上碟，食落去好淋好香口又重牛味，加無敵蒜香
帝苑酒店嘅四季菊午市set有天婦羅、壽司定食、便當、和風定食、鐵板同special set。我地預約左鐵板餐，坐bar台可以欣賞師傅精湛嘅技術，又可以同師傅吹吹水。
四個人叫左鮑魚、廣島蠔及美國牛肉薄燒定食 $530 同 鵝肝、大蝦、美國牛肉薄燒定食 $498 各兩set。除左主菜尤其係海鮮唔同 (鮑魚+廣島蠔 vs 鵝肝+大蝦)，兩款set都有美國牛肉薄，同跟沙律、炒飯、麺豉湯、漬物同生果。
149 views
1 likes
0 comments
睇住師傅有技巧地用盡鐵板唔同嘅熱度烹調真係大開眼界，先大火煎鵝肝再慢慢迫d油香出嚟，煎到外脆內幼滑，配烤好嘅鬆脆麵包同黑醋，簡直係邪惡嘅享受。睇住大蝦蝦頭慢慢變橙紅色， 蝦膏蝦油慢慢標出嚟簡直治癒，蝦肉爽口彈牙，啜埋蝦頭啲汁～Perfecto!
鵝肝
58 views
0 likes
0 comments
大蝦
66 views
0 likes
0 comments
鮑魚同廣島蠔呢兩款海鮮非常新鮮，廣島蠔多汁鮮甜又滑溜，鮑魚鐵板燒完再薄切，配海藻更爽口，好味道！
49 views
0 likes
0 comments
另一重點就係美國牛肉薄燒，睇住師傅純熟地張薄切牛攤開，放炸蒜同蔥花喺牛上邊並慢慢捲起，反一下就將每人三件牛肉薄燒切開兩邊上碟，食落去好淋好香口又重牛味，加無敵蒜香，齒頰留香～
美國牛肉薄燒
79 views
0 likes
0 comments
雖然食左多款海鮮同牛已經好飽，但個炒飯都好出色，加牛肉碎去炒牛香十足，飯粒粒分明，有驚喜食！
炒飯
55 views
0 likes
0 comments
完全家都勁滿足！慶生鐵板燒大成功！
Post
