Video
Read full review
2017-06-09
217 views
終於等到週末, 咁啱紀念日, 梗係要慶祝下老公話不如今晚去尖沙咀食西餐, 感覺浪漫D, online book 仲有88折, 又OK 喎我地早到左少少, 我地係第一枱客人餐廳柔和既燈光, 寬闊既餐枱, 電視播住MV, 但又唔會覺得好嘈, 感覺幾舒服吧枱上擺滿好多酒瓶, 呢到應該都係個飲酒既好地方我地細心睇下餐牌, 都幾多款式,好多款都好啱我地口味由於天氣太熱，每人叫左杯果汁降溫先, 味道OK餐牌都有D 幾fusion 既菜式, 例如鐵板芝士一口牛, 又係我鍾意既芝士, 所以就叫左呢個, 同埋是日餐湯, 兩個主菜好快個鐵板芝士一口牛就黎到, 估唔到咁多芝士, 勁拉絲, 芝士絲好煙韌再食重點既一口牛, 牛味重, 好多肉汁, 一口牛混合芝士既味道恰到好處, 即使芝士味比較淡, 但又唔會蓋過濃郁既牛味呢個小食, 可以邊食邊玩, 將芝士不停捲, 不停倦, 都唔會斷, 我地似玩芝士多D, 但玩完芝士都有食返既跟住餐湯就黎, 呢刻發現上餐湯同小食係掉轉左次序上, 不過都無乜問題既餐湯隻碟好特別, 似個8字, 一邊放餐湯, 一邊可以放麵包餐湯係蕃茄濃湯, 茄味濃郁, 酸酸甜甜既味道, 好開胃, 旁邊
老公話不如今晚去尖沙咀食西餐, 感覺浪漫D, online book 仲有88折, 又OK 喎
我地早到左少少, 我地係第一枱客人
餐廳柔和既燈光, 寬闊既餐枱, 電視播住MV, 但又唔會覺得好嘈, 感覺幾舒服
吧枱上擺滿好多酒瓶, 呢到應該都係個飲酒既好地方
我地細心睇下餐牌, 都幾多款式,
好多款都好啱我地口味
由於天氣太熱，每人叫左杯果汁降溫先, 味道OK
餐牌都有D 幾fusion 既菜式, 例如鐵板芝士一口牛, 又係我鍾意既芝士, 所以就叫左呢個, 同埋是日餐湯, 兩個主菜
好快個鐵板芝士一口牛就黎到, 估唔到咁多芝士, 勁拉絲, 芝士絲好煙韌
再食重點既一口牛, 牛味重, 好多肉汁, 一口牛混合芝士既味道恰到好處, 即使芝士味比較淡, 但又唔會蓋過濃郁既牛味
呢個小食, 可以邊食邊玩, 將芝士不停捲, 不停倦, 都唔會斷, 我地似玩芝士多D, 但玩完芝士都有食返既
鐵板芝士一口牛
$72
9 views
0 likes
0 comments
跟住餐湯就黎, 呢刻發現上餐湯同小食係掉轉左次序上, 不過都無乜問題既
餐湯隻碟好特別, 似個8字, 一邊放餐湯, 一邊可以放麵包
餐湯係蕃茄濃湯, 茄味濃郁, 酸酸甜甜既味道, 好開胃, 旁邊既香草麵包仍保持溫度, 暖暖地, 外層帶少少脆, 內裡鬆軟, 口感幾好
飲完湯之後, 我地都感覺開始熱, 我地都未開聲, 但侍應已經自動自覺開大冷氣, 真係貼心
之後兩個主菜一齊黎, 一個係烤西班牙黑毛豬, 另一個係香煎三文魚扒伴大蝦配草刁忌廉汁
先講第一個主菜，主角黑毛豬好大塊, 巨形又厚實, 表面煎得微微焦香, 肉質軟腍, 很容易切開,
裡面剛熟,呈粉紅色, 無乜脂肪, 肉質唔鞋口, 肉汁係每口之間滲出黎, 加左少少黑椒帶出黑毛豬既原汁原味, 想濃味d亦可以點旁邊既醬汁
食黑毛豬同普通豬扒既口感真係好大分別
烤西班牙黑毛豬
$248
6 views
0 likes
0 comments
另一個主菜, 三文魚扒份量好足, 平時少食熟左既三文魚, 一來太油, 二來肉質鞋口, 但呢到三文魚扒表皮煎得好香, 肉質亦無我想像中咁鞋, 口感同味道都幾好
蝦亦好大隻, 比食開既虎蝦更大隻, 煎得幾香
兩個主菜都有雜菜同薯蓉, 薯蓉味道好好, 同其他餐廳食開既分別好大, 通常都落左好多牛油, 但呢個薯蓉無咁重牛油味, 感覺健康左好多
香煎三文魚扒伴大蝦配草刁忌廉汁
$208
2 views
0 likes
0 comments
最後甜品係朱古力Mousse, 上碟時有好靚既畫花
朱古力味道超濃郁, 似比利時朱古力, 口感滑溜, 份量啱啱好, 食完都唔會話太膩
朱古力Mousse
12 views
0 likes
0 comments
Post
