牛站(駅)麻辣火鍋放題

Open Now

Now Closed

今日同媽咪黎慶祝生日，約喺港鐵站等佢都話方便。照舊encore SRF美國極黑和牛片嘅餐盛惠$298/位。包左我最鍾意嘅美國和牛片同軟嫩五花腩、有纖維感嘅封門柳同牛板腱都好食，當然有其他肉揀，但黎呢度真係要留位比其他冷熱盤甜品。海鮮類以沙白、帆立貝我覺得最抵最正，塊肉又厚又鮮。媽咪叫左田雞腿食，話好大隻好滑。鍋底叫鴛鴦鍋一個番茄一個藥膳，足料夠咪，唔會食到個人好口喝。飲品雖然有酒有茶有咖啡汽水果汁，但比我發現到竟然有Coconut black tea之後已無飲其他，好椰又清。媽咪巡視完自取區，都話太豐富了吧！前菜、甜品雪糕、糖水已食到半飽，自取嘅蔬菜好新鮮仲要有貴價菜添！而家先知打邊爐食莧菜咁正，好濃菜味又無渣。個人覺得大魚蛋同長蟹柳都幾回本，彈牙又有魚味。越來越多人了，唔book檯walkin 真係未必有位。