Video
Read full review
2015-04-27
3042 views
是日慶祝老豆的60 歲生日，係沙田的中菜 即時諗起小南國，當日是平日所以晚市時間亦不多人，加上有訂位，去到即時有枱。我們一家4口點了個四人餐另外加了個蔥油香麻餅。首先前菜我們選了百頁卷，小排骨，海蜇。前菜的分量唔多但個人覺得4人就岩岩好，因為成個餐有好多野食。百頁卷賣相好靚好精緻 但味道一般 唔突出。 小排骨 肉質好嫩 個汁好醒胃 可以撈飯食 不錯。海蜇好好味 係我好喜愛食的前菜之一龍井河蝦仁 －見到個名以為同龍井茶有關係，但食落完全無茶味，味道好一般 冇咩特別，不過分量都算幾多薺菜鮮魚羹- 好足料 好多魚肉同豆腐 但有小小味精的味道和不夠熱 感覺唔太健康糟溜魚片- 好多魚同雲耳 有好重花雕味，完全唔會有胜味，本人好喜愛有酒味的食物所以覺得呢個好好食，而且有好多汁 配飯一流香酥鴨- 可以包到成十件 分量唔細，鴨肉好嫩而且個酥皮好脆又薄好味，但個人認為配料（蔥同青瓜）太少 菜心苗- 冇特別 只想一提上面的菇只有三小塊 灌湯生煎包- 裡面係同小龍包一樣 有熱辡辡的汁，好好味 非常juicy, 個包因為煎過好脆口，但有點油膩 食一個就岩岩好蔥油香麻餅- 香蔥同芝麻味配搭非常香口，表面脆口裡面
是日慶祝老豆的60 歲生日，係沙田的中菜 即時諗起小南國，當日是平日所以晚市時間亦不多人，加上有訂位，去到即時有枱。
我們一家4口點了個四人餐另外加了個蔥油香麻餅。
首先前菜我們選了百頁卷，小排骨，海蜇。前菜的分量唔多但個人覺得4人就岩岩好，因為成個餐有好多野食。百頁卷賣相好靚好精緻 但味道一般 唔突出。 小排骨 肉質好嫩 個汁好醒胃 可以撈飯食 不錯。海蜇好好味 係我好喜愛食的前菜之一
龍井河蝦仁 －見到個名以為同龍井茶有關係，但食落完全無茶味，味道好一般 冇咩特別，不過分量都算幾多
薺菜鮮魚羹- 好足料 好多魚肉同豆腐 但有小小味精的味道和不夠熱 感覺唔太健康
糟溜魚片- 好多魚同雲耳 有好重花雕味，完全唔會有胜味，本人好喜愛有酒味的食物所以覺得呢個好好食，而且有好多汁 配飯一流
香酥鴨- 可以包到成十件 分量唔細，鴨肉好嫩而且個酥皮好脆又薄好味，但個人認為配料（蔥同青瓜）太少
菜心苗- 冇特別 只想一提上面的菇只有三小塊
灌湯生煎包- 裡面係同小龍包一樣 有熱辡辡的汁，好好味 非常juicy, 個包因為煎過好脆口，但有點油膩 食一個就岩岩好
蔥油香麻餅- 香蔥同芝麻味配搭非常香口，表面脆口裡面鬆軟 勁正
最後甜品我們另外加錢轉了酒釀丸子，其實已經好飽但甜品係有另一個胃。一小碗有滿滿的丸子 桂花和酒香，味道不會太淡也不會太重酒味，為整個晚飯作了完滿的總結，真的很飽很飽！
總體是食物不錯，員工友善，環境整潔，但只是價格偏高！
Post
