秋田鐵板燒刺身專門店

Open Now

Now Closed

朋友生日特登提早book 定位，餐廳可以係鐵板上面寫上祝福字句，畫埋可愛公仔，之後會曬相比客人，慶祝生日/節日好地方。餐廳牆壁佈置充滿日本風情，坐喺鐵板座位，一路欣賞住師傅功架，令人滿足嘅一餐生日飯。秋田二人前套餐（每位$888）季節沙律沙律菜新鮮爽口，水晶海草好特別，糖醋蕃茄酸酸地好開胃。魚籽鵝肝蒸蛋蒸蛋口感細滑，鵝肝味道濃郁，加入鹹香味濃郁既魚籽醬，帶來一份奢華感。鮮活時令龍蝦活伊勢海老仲郁緊，食材新鮮，師傅用左龍蝦膏煮，令龍蝦肉口感更鮮美，龍蝦肉質細嫩而富有彈性，有一幕火燒龍蝦頭非常有架勢，龍蝦頭會用來熬湯。原隻鮮活南非鮑魚用左南非九孔鮑魚，肉質厚身，用魚虹養住保持新鮮度，入口堅實有嚼勁，搭配昆布碎和忌廉海草汁，平衡鮑魚鹹味。季節時令海鮮是日精選帆立貝，肉質細膩，味道鮮甜，夾住紫菜/紫蘇葉一齊食提升層次感。香煎頂級鵝肝鵝肝煎至外皮焦脆，口感綿滑，搭配黑醋一齊食中和油膩感，魚籽醬金箔裝飾帶來奢華感。鹿兒島霜降和牛薄燒卷/鹿兒島霜降和牛厚燒鹿兒島霜降和牛脂肪紋理分佈均勻，肉質柔軟，肉汁豐富，伴碟嘅岩鹽粉、鹽昆布突出肉質嘅鮮美。秋田炒飯炒飯粒粒分明而且配料豐富，加咗櫻花蝦、蔥粒、雞蛋同