孔夫子 (Club East洞天) (Closed)

有次經過見到呢間野，walk in 食唔到，上星期就專登卜檯去食。因為老公生日，全家人食飯慶祝，首先要讚下佢啲位好闊落，唔會好似變相搭檯果啲餐廳咁迫，坐得好舒服。🔸檸檬汁炸蝦球，食落味道相當出色，檸檬汁雖然做得偏甜，酸味唔夠，但配大件炸蝦球仍然相當好味，我食咗2舊，係完全冇膩感。🔸黃金鍋巴好好食，鍋巴夠脆，有鹹蛋香，令人想一食再食🔸陳醋水晶肴肉 陳醋已經做左係夾層度，唔需要再分開點汁，濃濃嘅陳醋味，肴肉有口感，都幾好食🔸酸菜魚，好香口 但係都幾酸，個湯係我食過最酸，如果唔食咁酸既朋友仔就唔好選擇了🔸咕嚕肉，都好好食。佢哋用黑毛豬，肉質好淋 炸粉亦都唔會太多啱啱好！🔸黯然銷魂炒飯，飯硬左少少，味道都唔錯，但老人家食唔到🔸海南粗齋煲，唔好睇佢咁淺色，其實好濃味，菇菌味十足整體係好味既，環境舒適，開揚，價錢唔算貴。地方闊落，觀塘對我地而言都方便