韓舍 (Closed)

之前有fd食過，睇到佢post張相好吸引，我就話生日揀食呢間！咁大堆頭係要人多食先至覺得正！7個人湯底都係得一款，其實可以選擇嘅湯底我就麻麻地，因為火鍋我只愛沙嗲湯底，佢無，唯有揀海底椰，飲落都唔錯，幾鮮甜，襯晒海鮮！海鮮係超生猛，送上枱隻蟹同龍蝦🦞仲郁緊，嚇到我個fd彈起身！麵包蟹超多膏，龍蝦我地就煮得耐咗少少，有少少韌。出面好多款丸，叔叔仲好好人介紹我地食邊隻丸。嘢飲都ok多， 生果唔甜（西瓜望落好靚，食落就，哈密瓜仲衰），爆谷好難食又淋，甜品一般（brownie 連少少朱古力甜味都無），反而雪糕幾好食，有果肉唔錯。其實食完個海鮮鍋都飽咗大半，都唔洗突登加錢食刺身！平日去唔爆佢唔會趕我地走，亦無催我地，呢樣最值得加許！