Video
Read full review
2019-04-26
41 views
同老公慶祝週年紀念，想搵間靜靜地，又舒服既食店，上Openrice見到呢間喺屋企附近，好評都幾多，相片又吸引，就去試下喇！去到鋪頭個門口好靚，裝潢喺傳統日式格局，金色有種好高級既感覺，入到鋪頭好寧靜，感覺好舒服，食鐵板燒，我哋當然揀坐喺廚師既對面啦！大廚同侍應都好好客，好好傾，用心同客人去傾計交流。鋪面好乾淨，好整齊同別緻，充滿日式感覺，當時鄰座客人未到每位都有三種調味料，全部餐廳用新鮮材料調製，好有心思（卡片也很美）！第一道菜先上頭盤，有沙律同花螺，第一次食冰菜，生食好好味啊！配上酸酸地既柚子汁，好清新，食得出汁係自己鮮製烹調。花螺帶點酒香，唔錯！跟住就係重頭戲主菜了！大廚先排列好新鮮食材俾我地影相打卡，咁靚同新鮮，真係好難唔分享俾朋友睇呢！嘻嘻！之後就先煮響螺片，切到薄薄的，好鮮，唔駛點落調味都好好味！之後係好特別既白甘鯛魚，第一次食呢種魚，大廚用高溫油炸香個魚皮同魚鱗，再焗熟魚肉，外表脆，魚肉滑，屋企不能做到既煮食效果！魚鱗炸完之後變左一塊塊戙起晒，外觀好得意，配上唔辣既青椒同黑松露忌廉汁，好香好滑！呢味北海道帆立貝最吸引我既反而唔喺主角，而係配角既鮮紫菜湯！真係好好飲，好鮮，加
去到鋪頭個門口好靚，裝潢喺傳統日式格局，金色有種好高級既感覺，入到鋪頭好寧靜，感覺好舒服，食鐵板燒，我哋當然揀坐喺廚師既對面啦！大廚同侍應都好好客，好好傾，用心同客人去傾計交流。
鋪面好乾淨，好整齊同別緻，充滿日式感覺，當時鄰座客人未到
每位都有三種調味料，全部餐廳用新鮮材料調製，好有心思（卡片也很美）！
第一道菜先上頭盤，有沙律同花螺，第一次食冰菜，生食好好味啊！配上酸酸地既柚子汁，好清新，食得出汁係自己鮮製烹調。花螺帶點酒香，唔錯！
跟住就係重頭戲主菜了！大廚先排列好新鮮食材俾我地影相打卡，咁靚同新鮮，真係好難唔分享俾朋友睇呢！嘻嘻！
之後就先煮響螺片，切到薄薄的，好鮮，唔駛點落調味都好好味！
之後係好特別既白甘鯛魚，第一次食呢種魚，大廚用高溫油炸香個魚皮同魚鱗，再焗熟魚肉，外表脆，魚肉滑，屋企不能做到既煮食效果！
魚鱗炸完之後變左一塊塊戙起晒，外觀好得意，配上唔辣既青椒同黑松露忌廉汁，好香好滑！
呢味北海道帆立貝最吸引我既反而唔喺主角，而係配角既鮮紫菜湯！真係好好飲，好鮮，加上餐廳特製過既魚籽同新鮮帆立貝，真係好match！
之後喺大主角出場了！龍蝦好大隻好大隻！！仲新鮮到喺燒板上仍有點彈跳（有點殘忍喔，但大廚話佢一早已處理過，相對無咁殘忍了），大廚用龍蝦膏配上牛油，連同龍蝦肉一齊煮，唔駛問當然好味到不得了！
肉好鮮，配上牛油同蝦膏既香味與鑊氣，真係無得彈！
食到一半，大廚特製了一個焦糖多士俾我地試下，另外貼心地還有一粒青檸啫喱清一清味蕾，再繼續餘下菜式了！
另一個重點就係A5鹿兒島野崎和牛，薄厚各一，和牛上有好多雪花，入口即溶。想不到原來薄片既煮法喺加入蔥花同香蒜，捲埋一齊，味道好有層次，牛既油脂融入蔥蒜當中，意想不到的夾。而厚和牛都好正，叫左六成熟，入口即溶，唔會太生或太熟。
到最後，還有炒飯、魚湯同炒雜菜，有櫻花蝦、蔥花同蛋炒珍珠米，炒既時候見到飯粒在彈跳，粒粒分明；特別一提奶白色既魚湯！好鮮好濃！飲得出落左好多鮮魚去煲才有這樣的效果，值得推介！炒雜菜就沒有甚麼特別了！
最最後還有抹茶雪糕作結。
這頓晚餐可以用旅程來形容，遂個菜式上菜，然後期待下個菜式既煮法同味道。
雖然價錢偏貴，但用心既服務、寧靜既環境、新鮮既食材，用作慶祝紀念日或特別日子，算是值得的！我同老公都過左一個愉快滿足既晚上，同大廚也好好傾呢！
✨✨✨✨✨✨✨✨✨✨ 如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤 ✨✨✨✨✨✨✨✨✨✨
Post
