Video
Read full review
2018-01-31
2384 views
寒風凜凜凜，突然水哥發起 BBQ 短聚，還選址係大欖那麼隔涉呢！唯一交通工具就係的士。燒烤場可以比狗狗進入一齊玩，真好！那就帶埋狗狗黎舒展一下筋骨，跑跑跳跳。多事八卦的狗狗一見到睇場貓貓就飛奔過去想一齊玩，誰知貓貓自我保護能力極高！即刻使出貓貓無影拳直擊頭部，狗狗對這突擊毫無意識閃避，全部食晒，連環中拳！驚得狗狗立即徹退咸咁口返黎，見到狗狗受驚的可憐樣真的哭笑不得。睇場貓貓還死心不息追過來想打多幾鎚，樣子十分兇狠呢！幸好只出拳無出爪乍。狗狗驚到背住貓貓唔敢望，睇您下次仲敢唔敢見貓就樸埋去！有港燒、有重慶燒，我無所謂，總之碳燒就喜歡喇。眼看只有兩三檯食客，個個都著晒大褸燒野食，勁大風，好凍啊！還以為第一次到訪，原來多年前試過幫襯下午港燒任食的呢！重慶燒有獨立房間自助取食物，地方寬敞、感覺乾淨、空氣流通。食物種類也不少，琳琅滿目，放得整齊骨子。雞中翼、雞全翼、雞柳、豬扒、牛仔骨、牛扒、羊架、雞軟骨、豬頸肉、金沙骨、多春魚、粟米、煙肉芝士卷、冬菇、秋刀魚、鯖花魚、等等。雞中翼，醃味清淡宜人，不嗆不濁而恰到好處！燒到外脆內嫩，雞皮焦香、雞肉滑溜多汁，整隻熱騰騰塞入口，在口中咬開爆汁，雞味甜美，
多事八卦的狗狗一見到睇場貓貓就飛奔過去想一齊玩，誰知貓貓自我保護能力極高！即刻使出貓貓無影拳直擊頭部，狗狗對這突擊毫無意識閃避，全部食晒，連環中拳！驚得狗狗立即徹退咸咁口返黎，見到狗狗受驚的可憐樣真的哭笑不得。
睇場貓貓還死心不息追過來想打多幾鎚，樣子十分兇狠呢！幸好只出拳無出爪乍。狗狗驚到背住貓貓唔敢望，睇您下次仲敢唔敢見貓就樸埋去！
有港燒、有重慶燒，我無所謂，總之碳燒就喜歡喇。眼看只有兩三檯食客，個個都著晒大褸燒野食，勁大風，好凍啊！還以為第一次到訪，原來多年前試過幫襯下午港燒任食的呢！
重慶燒有獨立房間自助取食物，地方寬敞、感覺乾淨、空氣流通。食物種類也不少，琳琅滿目，放得整齊骨子。
雞中翼、雞全翼、雞柳、豬扒、牛仔骨、牛扒、羊架、雞軟骨、豬頸肉、金沙骨、多春魚、粟米、煙肉芝士卷、冬菇、秋刀魚、鯖花魚、等等。
雞中翼，醃味清淡宜人，不嗆不濁而恰到好處！燒到外脆內嫩，雞皮焦香、雞肉滑溜多汁，整隻熱騰騰塞入口，在口中咬開爆汁，雞味甜美，正到震！
雞全翼比雞中翼更肥美可口，勁多肉汁，質地味道更豐富！雞膇肉結實有咬口，另一番風味。雞柳即雞髀肉，油脂特別旺盛，燒到皮脆肉香，厚厚雞肉特別彈牙有嚼勁，醃得入味可口。
豬扒，原汁原味無鬆無乸，好！討厭鬆肉粉的腍劈劈、滑潺潺。最愛連骨的扒，肉味勁甜更濃，尤其黏著骨的肉，超級甜美，還有少許嚥韌筋膜。多春魚，腥得黎我喜歡，乾爽焦香，魚春甘甜，成條食骨都無得剩。
豬頸肉，油潤非常，一絲絲綿密的脂脂紋清晰可見。燒著燒著，豬油不停噴出，十分惹火，碳火燒得熊熊聲！要耐心燒得乾爽一點，否則對我太過油膩喇，得左！外層微焦實淨香口，內心爽爽的，肉汁飛射，豬油清甜，好食喎。
金沙骨，肉質特別爽彈，黏著筋膜嚥韌可口，甜甜的醬甜美味。損骨最過癮，啜啜啜！津津有味。
煙肉芝士卷，脆皮脆噴出熱辣辣芝士水，被咸香煙肉捲著，咸上加咸重口味。鮮冬菇，烤一烤菇味更突出，香口微爽，菌味獨特。
秋刀魚，魚油澎湃，邊燒邊滴，無需任何調味，魚味勁濃泛著微腥，啖啖肉都可以啦。
牛仔骨，有骨必然肉味濃，牛油香甜，肉質鮮美。牛扒，微鬆微脆，甜甜的平凡。
羊架，羶香不嗆，一咬一扯，所有肉連脂肪盡收嘴裡去，好味道！
雞軟骨，耐心地燒到乾乾的，迫走所有雞油，香口脆卜卜。粟米，甜甜多汁，飽滿不瘦，合格。
116 views
0 likes
0 comments
98 views
0 likes
0 comments
99 views
1 likes
0 comments
94 views
0 likes
0 comments
88 views
0 likes
0 comments
77 views
1 likes
0 comments
76 views
0 likes
0 comments
84 views
0 likes
0 comments
89 views
0 likes
0 comments
167 views
0 likes
0 comments
Post
