松屋日本料理 (Closed)

是日爸爸生日，原來正日生日有7折，前後7天有8折...不失為一個好0既生日選擇(都係聽到隔離問同查身份證先知)。我訂左7:30,去到之後見好多人等緊，咪行去登記櫃位度講低貴姓訂左7:30幾位咪行埋一邊。點知等左10分鐘都未見有消息，仲眼見後來0既人陸續入去，咪問下點囉！點知原來亞姐跟本冇心聽到我講野，仲冇mark我到左,以為我係第二個客要求換檯的(態度甚差) 之後有人話有檯可以入去,點知位置係近廚房兼走廊，我要求換檯但俾拒絕，理由係未有檯(當時全場仲有大把位置冇人的)，幾經怒嘈之下，終於換到。評評理，點解人地遲來都比我先有檯,仲有位置係場中間，而我地就要等仲要食油煙不特止...仲要明明有位扮冇位,太唔公平。雖然款式比較少，刺身size時大時細，但好彩味道不太差，不過件件串燒都好的骰。任飲維他綠茶係我最順0既一樣事，仲有自選雪糕。