Video
Read full review
2022-12-27
683 views
之前發現重慶大廈地庫開咗間🌺夏威夷丼飯店「Peek-A-Poke」，呢日中午行開呢邊，又想食生冷嘢，就順便試吓。店舖裝修幾靚，滿有海洋氣息同沙灘風情⛵️，四周圍都掛咗漁網，幾得意。餐廳主打夏威夷魚生丼飯Poke，唔知係咪因為咁，所以近乎全場嘅客人都係女姓👧🏻，哈哈。呢度嘅Poke分為兩類，分別係配搭好嘅特色風味碗Signature Bowl同埋自選風味碗Build Ya Own Bowl，兩者價錢相若。由於我唔想食豆腐，所以嗌咗自選碗，但實則同「火辣辣雞胸」嗰款類同🤣。我要咗慢煮雞胸做主菜($98/普通+三款配料)，再配以雞蛋絲🍳、蟹籽🦀同香菇🍄。同時，丼飯仲有其他調味料，包括芝麻、木魚絲、果仁、辣椒碎同脆蒜片等。餸料份量超多，直頭係同飯嘅比例一比一，🐔雞肉大大粒，肉質唔嚡，而蟹籽就有爆漿嘅效果。醬汁要咗青檸辣醬，微微酸，但辣度就好強🌶，唔講得笑，不過食落好惹味兼開胃，令人又愛又恨，好矛盾。主食我要咗壽司飯拼珍珠糙飯🍚，其實我原本係想拼沙律菜🥗，但意外地嗌咗雙飯，真係飽到一個點，飯質軟硬同濕度適中。我根本無可能成碟食得晒囉，所以打包咗，而且仲誇張地塞滿整個外賣盒🥡，可以食多餐。炸薯蝦($
之前發現重慶大廈地庫開咗間🌺夏威夷丼飯店「Peek-A-Poke」，呢日中午行開呢邊，又想食生冷嘢，就順便試吓。店舖裝修幾靚，滿有海洋氣息同沙灘風情⛵️，四周圍都掛咗漁網，幾得意。
餐廳主打夏威夷魚生丼飯Poke，唔知係咪因為咁，所以近乎全場嘅客人都係女姓👧🏻，哈哈。呢度嘅Poke分為兩類，分別係配搭好嘅特色風味碗Signature Bowl同埋自選風味碗Build Ya Own Bowl，兩者價錢相若。
火辣辣雞胸
23 views
0 likes
0 comments
醬汁要咗青檸辣醬，微微酸，但辣度就好強🌶，唔講得笑，不過食落好惹味兼開胃，令人又愛又恨，好矛盾。主食我要咗壽司飯拼珍珠糙飯🍚，其實我原本係想拼沙律菜🥗，但意外地嗌咗雙飯，真係飽到一個點，飯質軟硬同濕度適中。
我根本無可能成碟食得晒囉，所以打包咗，而且仲誇張地塞滿整個外賣盒🥡，可以食多餐。
炸薯蝦
$48
15 views
0 likes
0 comments
丼飯跟嘢飲，我要咗雙檸梳打(+$5)，魚尾形狀嘅杯好可愛🐟，入面真係有西檸同青檸🍋，檸味十足。但可能為及健康，一啲糖都無落，比較Raw，無加工。
題外話，餐廳有大量Mirror應援物😍，睇見就開心，我見有唔少粉絲慕名而來。
總括嚟講，呢間Poke店唔錯，價錢唔係話好平，不過就超級大碗，我相信男仔都夠飽👍。我會再嚟幫襯啊，下次試吓魚生款式先。
Post
