Video
Read full review
2024-11-23
67 views
呢排工作繁忙，好攰，朋友話觀塘有間食串燒放題，仲係佢會自轉自燒，只要將花花邊放在齒輪上面，佢就會自轉自燒，絕對啱晒我呢d懶人。餐廳非常大，全部係卡座，座位相當闊落，坐得舒服。放題分A、B及C餐，如果揀C餐，就可以連A及B餐嘅任食item叫埋。套餐有任食2小時同無限時選擇，C餐無限時都只係$378，價錢合理。朋友食完想早d返屋企，所以就揀左B餐2小時。拼盤：有安格斯牛 (牛板腱、牛仔骨、牛粒同封門柳)、雞泡魚乾、扇貝、帶子同生蝦，海鮮新鮮帶甜，雞泡魚乾燒過幾好食，安格牛燒到肉汁滲晒出黎，整體牛味重，呢d食完可再encore。串燒：串燒擺放整齊，企理，種類亦非常多，重點係自轉自燒，啱晒懶人唔駛煩。熱盤：本來得幾款，然後餐廳見客人多咗，又會出唔同種類嘅熱盤，有炸雲吞、香煎韭菜包、酥皮葡撻脆、炸鮮奶卷、炸香芋地瓜丸、炸蝦片同爆谷，款式幾多，全部都ok喎。冷盤：有青口、海蝦同海螺，海蝦大隻，下面有冰凍住，唔會變壞。蒜蓉焗蠔：即叫即燒，入口好熱，蒜蓉味好香，蠔味濃，幾好。鹽燒海蝦：海蝦結實，鹹味剛好。椒鹽燒賣：即叫即炸，熱辣速，燒賣皮脆。飲品：除左有普通罐裝同盒裝飲品之外，仲有自家製酸梅湯同五花茶
餐廳非常大，全部係卡座，座位相當闊落，坐得舒服。
放題分A、B及C餐，如果揀C餐，就可以連A及B餐嘅任食item叫埋。套餐有任食2小時同無限時選擇，C餐無限時都只係$378，價錢合理。朋友食完想早d返屋企，所以就揀左B餐2小時。
拼盤：有安格斯牛 (牛板腱、牛仔骨、牛粒同封門柳)、雞泡魚乾、扇貝、帶子同生蝦，海鮮新鮮帶甜，雞泡魚乾燒過幾好食，安格牛燒到肉汁滲晒出黎，整體牛味重，呢d食完可再encore。
串燒：串燒擺放整齊，企理，種類亦非常多，重點係自轉自燒，啱晒懶人唔駛煩。
熱盤：本來得幾款，然後餐廳見客人多咗，又會出唔同種類嘅熱盤，有炸雲吞、香煎韭菜包、酥皮葡撻脆、炸鮮奶卷、炸香芋地瓜丸、炸蝦片同爆谷，款式幾多，全部都ok喎。
冷盤：有青口、海蝦同海螺，海蝦大隻，下面有冰凍住，唔會變壞。
蒜蓉焗蠔：即叫即燒，入口好熱，蒜蓉味好香，蠔味濃，幾好。
鹽燒海蝦：海蝦結實，鹹味剛好。椒鹽燒賣：即叫即炸，熱辣速，燒賣皮脆。
飲品：除左有普通罐裝同盒裝飲品之外，仲有自家製酸梅湯同五花茶，而我就鍾意酸梅湯，少少酸少少甜，幾啱口味。
甜品：種類都幾多，有香港製雪糕同阿波羅雪條，雪櫃有西式糕點同生果，我就幾鐘意中式糖水，椰汁紅豆糖水，椰汁味香，唔太甜，紅豆淋得嚟一粒粒，有咬口，放外面唔放雪櫃都夠晒冰凍。
Post
