俺流塩らーめん (新都會廣場)

Open Now

Now Closed

喺東京試過呢間拉麵店覺得好高質，經過葵芳見到有分店就緊係衝入去食啦。去到嘅時候見到舖面同日本嘅有幾分相似，檯上面一樣有黑蒜醬、柚子醬、辣椒油、胡椒粉等等嘅調味料。叫咗個俺流塩湯拉麵，追加咗一隻溏心蛋。塩湯味道頗淡，即使加咗黑蒜醬都無乜味；叫嘅時候有得揀拉麵軟硬度，我揀咗「普通」，嚟到變咗超硬麵條...配菜都算多，最開心係有平時香港食拉麵好少見到嘅菠菜。成餐飯得隻溏心蛋同叉燒叫好味少少，叉燒鞋身但好入味，幾好食，不過下次都係叫返雞湯拉麵。