泉章居 (Closed)

媽咪個朋友係香港人, 細细個全家移民左去美國, 每幾年會番香港玩一次, 每次番嚟都嚷著要食荔茸香酥鴨, 話美國食吾到喎！！前陣子佢又嚟左香港, 呀爸好有心咁上網睇下邊到有這個餸菜食, 原來香港都很少地方有得食, 可能做嘅工夫太多, 無乜食店會整！！終於上天不負有心人, 呀爸睇到旺角嘅泉章居有香酥鴨食, 即刻帶我媽咪個朋友同我哋去懷念一番！！我哋叫左半隻荔茸香酥鴨, 嚟到見到賣相巳經好吾錯, 一啖食落口, 芋泥多到漏出來, 鴨件就细細件, 芋泥就大大舊, 表皮炸得好香脆可口, 但我食左一件巳經覺得好漏!! 跟住叫左蟹肉扒豆苗, 嘩, 成碟舖滿蟹肉, 豆苗好青甜美味！！其他餸菜陸續上枱, 粉絲中蝦煲, 粉絲煮得太淋, 吾好食, 中蝦尚算新鮮！！霸王雞好多葱舖係面, 好惹味, 雞肉仲好嫩滑添！！芝士石斑塊有好多汁, 魚塊全部大大舊, 夠晒飽肚！！