蘇媽.蘇媽馬來西亞茶餐室

Open Now

Now Closed

媽媽話好掛住馬來西亞好想食馬來西亞菜，我就帶咗佢黎蘇媽，等佢解下相思之苦。椰香咖央多士多士烘得香脆可口，咖央味道非常濃郁，加埋牛油，好味得來又非常邪惡。怡保雞絲湯老鼠粉老鼠粉即係我哋嘅銀針粉，老鼠粉口感爽滑，雞絲嫩滑，湯底鮮甜美味。桔仔話梅水味道酸甜開胃，非常大杯。魚仔醬蘿蔔糕蘿蔔糕煎到外脆內軟，加上魚仔醬味道鮮味香辣，10分惹味。檳城福建蝦麵用咗蝦去整，味道鮮甜濃郁，加咗參巴醬帶點辣味，令到我哋一啖接一啖，入邊嘅材料有蝦，魚片，豬腩肉，雞蛋，通菜，芽菜，非常豐富。