香江茶餐廳

Open Now

Now Closed

今日放假去柴灣整車，女朋友話呢條邨好靚，係佢最鐘意既pinkpink顏色，所以咪過黎影下偽文青相、望下囉。影到咁上下就搵個地方醫肚，呢間茶餐廳外觀好有feel，個名好似會考題目既餐廳咁，見落雨又廢事周圍搵就入去食左餐不錯既午餐。嗌左個茄汁焗雞扒飯同一杯凍檸茶，盛惠43蚊。茄醬係好傳統既茶餐廳茄汁，雞扒先剪再焗，肉嫰多汁，認真不錯。飯底雖然無炒底，但都焗到好乾身，撈埋個汁，差唔多成碟食哂。杯茶方面，茶底幾好，檸都多新鮮同唔孤寒，美中不足既係用膠杯，扣分!!食完停哂雨，雨過天青，望住呢條香港碩果僅存既，既開揚空氣又好既舊式公共屋邨，同身後呢間傳統舊式茶餐廳，慨嘆呢D既舊式，又舒服既地方係香港真係買少見少。