Video
Read full review
2021-06-20
5380 views
呢度既食物全部都好懷舊同地道, 最好既一樣野就係大部分既菜式都有大/中/細之分, 迎合到唔同人既需求, 又可以試多啲唔同款式👍🏽金腿扒津白🥬($78)呢個煮法既菜係我屋企基本上係唔會出現😂 難得出黎食梗係要叫返個啦🥰 我地今次叫左細size, 都已經夠食☺️ 金華火腿絲舖滿左係清淡既大白菜上面🥬 金華火腿既鹹配大白菜既淡, 味道剛剛好👍🏽糖醋魚片🐟($108)今餐叫左兩款肉, 所以叫返個糖醋魚中和一下🤤 糖醋汁整得勁好味, 甜酸度拿捏得好好, 不過魚既比例偏少, 炸粉比較多, 但係個汁加埋炸得夠脆我絕絕接受到, 撈飯真係一流😍砂窩雲吞雞🍲($168)一直都想食, 但係次次都唔夠人, 今次終於都俾我食到😍 我地叫既細size 每人都有兩碗, 所以想像唔到大size係點😂 唔好睇佢細細鍋, 絕對係十分足料🙂 雲吞十分有驚喜, 皮薄餡靚, 仲要係我最鐘意既豬肉餡😌 仲有一隻大雞髀🍗 同埋大量既小棠菜, 有肉有菜😎 個湯完全唔味精, 飲完兩碗返到屋企都唔口渴, 絕對值得一試片皮鴨($288)黎呢度基本上個個都食片皮鴨, 而且係新鮮滾熱辣係你面前片, 所以等既時間比較耐, 不過想食好野係要等, 所
呢度既食物全部都好懷舊同地道, 最好既一樣野就係大部分既菜式都有大/中/細之分, 迎合到唔同人既需求, 又可以試多啲唔同款式👍🏽金腿扒津白🥬($78)
呢個煮法既菜係我屋企基本上係唔會出現😂 難得出黎食梗係要叫返個啦🥰 我地今次叫左細size, 都已經夠食☺️ 金華火腿絲舖滿左係清淡既大白菜上面🥬 金華火腿既鹹配大白菜既淡, 味道剛剛好👍🏽
糖醋魚片🐟($108)
今餐叫左兩款肉, 所以叫返個糖醋魚中和一下🤤 糖醋汁整得勁好味, 甜酸度拿捏得好好, 不過魚既比例偏少, 炸粉比較多, 但係個汁加埋炸得夠脆我絕絕接受到, 撈飯真係一流😍
砂窩雲吞雞🍲($168)
一直都想食, 但係次次都唔夠人, 今次終於都俾我食到😍 我地叫既細size 每人都有兩碗, 所以想像唔到大size係點😂 唔好睇佢細細鍋, 絕對係十分足料🙂 雲吞十分有驚喜, 皮薄餡靚, 仲要係我最鐘意既豬肉餡😌 仲有一隻大雞髀🍗 同埋大量既小棠菜, 有肉有菜😎 個湯完全唔味精, 飲完兩碗返到屋企都唔口渴, 絕對值得一試
片皮鴨($288)
黎呢度基本上個個都食片皮鴨, 而且係新鮮滾熱辣係你面前片, 所以等既時間比較耐, 不過想食好野係要等, 所以我絕對唔介意🤩 呢度既皮似係餐廳自家製, 睇落好似印度薄餅咁, 食落好軟綿綿同個鴨好襯☺️ 真係同平日食果啲現成皮差好遠😇 鴨既肥瘦適中, 啲皮同肉既份量平均得好好🥰
高麗豆沙🌰($58)
黎之前上網見呢個甜品完全俾佢吸引左😍 同樣有大/中/細選擇, 細都有8粒, 每粒都脹卜卜, 面頭有滿滿既白砂糖, 夠曬邪惡🤩 食落軟綿綿中間既紅豆蓉夠曬滑, 食完個甜品好滿足😍
呢間菜館既菜式相當多選擇, 味道亦不錯, 侍應亦十分有禮貌, 見我地等片皮鴨等得耐都送左幾個中式豆沙包俾我地, 相當識做😌 另外前菜有鹽焗花生🥜同埋腌酸辣菜, 酸酸辣辣好正, 有啲似韓國既泡菜, 不過加添左中式既元素🙋🏿♀️
Post
