楓林小館

Open Now

Now Closed

喺附近staycation完 我地見好耐冇飲過茶 就搵下附近有咩飲茶舖 見到呢間好似有啲懷舊嘢食 就嚟試吓✨紅燒乳鴿 $78我哋見枱枱都叫呢個 我地都唔執輸試下🤣 係燒得唔錯 皮燒到脆脆地 乳鴿肉仲保持到啲肉汁 尤其係大髀位👍👍 難怪個個都叫✨楓林蝦餃皇 (三件）$19.9星期一至日都有呢個優惠 蝦餃皮唔係話好薄 蝦都唔算十分爽彈 正常✨上湯炸粉果 (三件）$42平時都係食開蒸粉果 從來未試過炸粉果 粉果皮炸到非常脆 索左啲上湯味我覺得比平時蒸粉果更好味同特別✨楓林得意腸粉 $42呢個係腸粉入面包住啲春卷咁嘅脆脆同蝦 腸粉軟腍 春卷香脆 蝦爽彈 夾埋一齊食口感豐富 👍👍✨蝦子柚皮 $78功夫野 將啲柚嘅皮去味 炆到腍晒 然黎再加啲蝦子上去 口感真係好腍 好似食緊煮到好溶嘅薯仔/冬瓜咁 但加左啲蝦子醬的確好香 但我都覺得試一次就夠嚕🤣🤣✨菲林芝麻卷 (三件）$38好香芝麻味 質感同啲中式嘅糕點差唔多 幾好食 不過佢整得有啲厚 所以食落層次感唔夠豐富總括黎講呢度食物味道唔錯 有卡位坐 幾舒服 又唔會好嘈可以慢慢嘆下茶傾下計 服務都好好 食完乳鴿見我哋隻碟有骨會幫我哋換咗佢 主動加水 執碟味