金牌源記大排檔 (Closed)

好耐冇食過大排檔，個朋友住喺呢度附住，提議去呢間大排檔度食飯，於是就去咗。我朋友平時都有去開呢間大排檔，於是就等佢話事，佢叫咗豉油皇海蝦，揚州炒飯，金銀蛋娃娃菜。呢間鋪頭啲飯同埋啲菜嘅份量都幾多，我同我朋友兩個人都食唔曬，呢啲份量我覺得足夠三個人食。金銀蛋娃娃菜都幾足料嘅裏邊有好多皮蛋。喺度食飯坐咗一陣，都陸陸續續見到有啲遊客啊，街坊來呢度食飯，可能呢度始終係有香港特色嘅大排檔，始終吸引到一班食客。