Video
Read full review
2020-11-20
1096 views
成日聽人講九龍城打邊爐正，但我又未試過，所以尋晚就特登去九龍城試下打邊爐啦。其實我都唔知九龍城最正嘅邊爐係邊間，不過我食完之後覺得呢間都幾正。呢間火鍋係sell懷舊風嘅，店內裝修好似幾十年前啲舖頭咁，都幾得意。同埋注意，佢係懷舊唔係殘舊，所以雖然設計懷舊，但啲檯凳其實係新淨乾淨嘅，所以都坐得舒服。仲一路播住啲懷舊歌曲添。食食下聽到佢突然播生日歌，應該係有人生日，睇黎呢到幾適合同朋友慶祝生日。不過壽星啲朋友好似真係唔太識做，播生日歌嗰陣都唔拍手，又唔一齊唱嘅，尷尬。定係其實係壽星想低調呢？所以我都唔知係邊檯有人生日。入返正題，講講我食左啲咩先。🥣老港沙嗲鍋 $108沙嗲鍋好濃味，濃到唔似沙嗲湯，似食嘅沙嗲汁多啲，好正。湯入面會食到有花生，湯嘅味道已經好足夠，唔需要再點豉油，用唔著我親自精心調配嘅醬料。裝湯隻鍋好寬好大隻，比較平身，啱晒用嚟打邊爐。🦐芝士蝦丸（半份）$58芝士蝦丸有四粒，蝦味十足，好彈牙。咬落去會爆芝士，芝士好香，同時唔會蓋過左蝦嘅味道。🐮安格斯牛肉（細）$168牛肉係有驚喜，雖然作為一個窮學生嘅我揀咗最平嘅牛肉，但係出嚟嘅牛肉好靚，每片嘅牛肉厚度切得非常工整，雪花牛肉食落
呢間火鍋係sell懷舊風嘅，店內裝修好似幾十年前啲舖頭咁，都幾得意。同埋注意，佢係懷舊唔係殘舊，所以雖然設計懷舊，但啲檯凳其實係新淨乾淨嘅，所以都坐得舒服。仲一路播住啲懷舊歌曲添。
食食下聽到佢突然播生日歌，應該係有人生日，睇黎呢到幾適合同朋友慶祝生日。不過壽星啲朋友好似真係唔太識做，播生日歌嗰陣都唔拍手，又唔一齊唱嘅，尷尬。定係其實係壽星想低調呢？所以我都唔知係邊檯有人生日。
入返正題，講講我食左啲咩先。
🥣老港沙嗲鍋 $108
沙嗲鍋好濃味，濃到唔似沙嗲湯，似食嘅沙嗲汁多啲，好正。湯入面會食到有花生，湯嘅味道已經好足夠，唔需要再點豉油，用唔著我親自精心調配嘅醬料。裝湯隻鍋好寬好大隻，比較平身，啱晒用嚟打邊爐。
老港沙嗲鍋
$108
25 views
1 likes
0 comments
🦐芝士蝦丸（半份）$58
芝士蝦丸有四粒，蝦味十足，好彈牙。咬落去會爆芝士，芝士好香，同時唔會蓋過左蝦嘅味道。
芝士蝦丸（半份）
$58
22 views
0 likes
0 comments
🐮安格斯牛肉（細）$168
牛肉係有驚喜，雖然作為一個窮學生嘅我揀咗最平嘅牛肉，但係出嚟嘅牛肉好靚，每片嘅牛肉厚度切得非常工整，雪花牛肉食落好好味，牛味極濃。有十四片。
安格斯牛肉（細）
$168
42 views
0 likes
0 comments
🐔鮮雞件 $68
雞肉食到幾新鮮，份量幾多，好有雞肉嘅鮮味，呢個價錢算係幾抵食，幾高質。
鮮雞件
$68
22 views
0 likes
0 comments
🥠生根 $38
生根真係俾咗好多，我數過有成十一舊，我就最鍾意食生根，因為佢好吸湯，生根吸晒沙嗲啲湯之後真係好正。
🍜出前一丁 $18
沙嗲湯我自己就覺得最夾出前一丁，麵會吸收晒啲沙嗲湯，加上呢個湯底咁濃，煮出嚟嘅出前一丁完全係好似沙嗲撈丁咁，正啊。
🍭糖不甩 $0
糖不甩形狀好似一條魚咁，有兩條糖不甩，會放入沙嗲湯入面煮。煮完之後再撈花生同埋砂糖。糯米好有咬口，配埋花生糖，鹹香加甜味嘅味道十足，好食。
糖不甩
35 views
0 likes
0 comments
🍮啫喱 $0
最後食完有啫喱送，啫喱上面嘅傘好得意。有一層花奶，個人認為啫喱比較偏硬身，但味道都唔錯。
啫喱
14 views
1 likes
0 comments
‼️注意每人要加$15醬料茶芥。
話說我同朋友兩個都傻傻地著左白色衫去打邊爐，仲要係食沙嗲湯底，好彩最後啲湯冇彈到件衫姐。但建議大家打邊爐要著深色衣物。
Post
