Video
Read full review
2018-09-05
184 views
女朋友話好想打邊爐，於是喺OpenRice搵吓搵吓就搵到呢間裝修懷舊嘅同撈同煲，再望下食平又唔錯咁，於是就拍板去試吓佢。同撈同煲就喺九龍城角落頭果間黃珍珍轉入去嘅街尾對面，因為位置比較偏僻所以可能未係咁多人發掘到佢。坐底要揀個湯底就已經有啲困難，因為佢頭嗰三款都幾吸引，不過今日突然間好想食醉雞所以就揀咗個醉雞鍋。水滾後鍋底發出陣陣嘅花雕香味，咁就梗係即刻落個半隻醉雞落去啦，話咁快啲雞就熟咗，個夥計亦都好有心機咁提示我哋可以試吓個湯底。唔試還好，一試真係好飲到停唔到口。我從來都冇試過打邊爐會將個湯底當湯咁飲，飲落去一啲都唔覺喊，就好似飲緊熱sake咁美國筒蠔亦都好出色，唔單止有大半隻手掌咁大，淥熟咗之後唔會點樣縮水，鮮甜得黎仲好juice，真係必食推介。夥計仲推介左貴妃旁俾我哋，兩隻都係$58，見佢咁大隻冇理由唔食呀。夥計又好溫馨咁提醒我哋，肉一離殼就可以食。真係未試過咁鮮甜彈牙嘅貴妃蚌，真係好想食多幾隻啊。我哋重點左個鴛鴦手打滑，黑松露墨魚滑同蟹子蝦滑。蝦滑味濃郁，墨魚滑彈牙又重松露香。兩人一碟好快手就KO左成碟。養顏美人餃子用料特別，有豬肉、蟲草花之餘仲有桃膠，但你就估唔到幾樣野加埋
同撈同煲就喺九龍城角落頭果間黃珍珍轉入去嘅街尾對面，因為位置比較偏僻所以可能未係咁多人發掘到佢。
坐底要揀個湯底就已經有啲困難，因為佢頭嗰三款都幾吸引，不過今日突然間好想食醉雞所以就揀咗個醉雞鍋。水滾後鍋底發出陣陣嘅花雕香味，咁就梗係即刻落個半隻醉雞落去啦，話咁快啲雞就熟咗，個夥計亦都好有心機咁提示我哋可以試吓個湯底。唔試還好，一試真係好飲到停唔到口。我從來都冇試過打邊爐會將個湯底當湯咁飲，飲落去一啲都唔覺喊，就好似飲緊熱sake咁
花雕醉美人鍋
10 views
0 likes
0 comments
美國筒蠔亦都好出色，唔單止有大半隻手掌咁大，淥熟咗之後唔會點樣縮水，鮮甜得黎仲好juice，真係必食推介。
美國桶蠔
24 views
0 likes
0 comments
夥計仲推介左貴妃旁俾我哋，兩隻都係$58，見佢咁大隻冇理由唔食呀。夥計又好溫馨咁提醒我哋，肉一離殼就可以食。真係未試過咁鮮甜彈牙嘅貴妃蚌，真係好想食多幾隻啊。
貴妃蚌
$58
25 views
0 likes
0 comments
我哋重點左個鴛鴦手打滑，黑松露墨魚滑同蟹子蝦滑。蝦滑味濃郁，墨魚滑彈牙又重松露香。兩人一碟好快手就KO左成碟。
鴛鴦滑
29 views
0 likes
0 comments
養顏美人餃子用料特別，有豬肉、蟲草花之餘仲有桃膠，但你就估唔到幾樣野加埋個味道夾得來又好突出，出面真係食唔到。
養顏美人餃子
20 views
0 likes
0 comments
咁啱我哋去嘅時候有個特別優惠，就係消費滿$500再買like埋佢Facebook就可以獲贈安格斯牛。分量唔算多，但好濃牛味又唔肥，晒我哋兩口子鍾意食瘦嘢。
安格斯牛肉
11 views
0 likes
0 comments
最後夥計送嘅甜品都為我地帶嚟驚喜，就係糖不甩。唔好以為佢係一般嘅糖不甩，佢係每日新鮮製成鯉魚型狀，然後再係你面前放入湯底煮冧佢。起初以為鹹湯配甜食會好奇怪，但原來煮出嚟只有軟熟而無湯嘅味道，配合花生砂糖撈埋一齊食真係為呢餐畫上一個完美嘅句號。
糖不甩
7 views
0 likes
0 comments
夥計同我地講優惠會隨時變，遲啲會唔送糖不甩，睇嚟我哋要快啲再計劃幫襯佢先得喇！
Post
