哥登堡餐廳

Open Now

Now Closed

男友第二次帶我黎呢間餐廳食牛扒，真係好好味，又有懷念之情，兒時回憶返哂黎。羅宋湯夠哂酸辣開胃，好醒神，超多蔬菜同有件牛肉。配埋熱辣辣軟綿小餐包，完美。T骨牛扒五成熟，煎得剛剛好。一邊好軟腍好多肉汁，另一邊爽口有咬口，牛味濃郁，又多肉汁。蒜蓉汁好香，波浪粗薯無腍到，沾茄汁好味。羊扒有少少羊羶味，好正。羊味幾重，肉質嫩腍多汁，非常好味。另外加個蕃汁意粉，雖然意粉好腍又重茄汁味，但仍然係個種好懷念的味道。餐飲可揀椰汁紅豆冰，好多紅豆好粉綿香甜。啫喱，勁懷念，今次早左黎終於食到，加花奶最正。滿分的晚餐。