金鳳大餐廳 (山林道)

Open Now

Now Closed

之前同老公講起好想鋸扒，佢就提議我去港式扒房金鳳。我今次第一次食，感覺唔錯。跟餐包餐包同餐飲，餐包送上黎係暖的，好驚喜！我同老公叫左一紅湯一白湯。紅湯味道較濃，亦都好足料。我叫左牛小排餐，老公叫左肉眼扒餐。我個人就鍾意牛小排多d，無肥膏，又啖啖肉，好正！牛扒大份，再伴d薯菜，食到好飽，好滿足！老公的肉眼扒偏肥，不過落單的時候，待應都有解釋過肉眼扒要有d肥膏同油脂先好味。佢有得揀蒜蓉汁或者黑淑汁。我同老公一人叫左一款，兩隻都好香濃！飲品當然要揀d特別的港式飲品！我揀左鴛鴦，老公就加錢升級左就特飲，揀左紅牛。本是利賓納配士多啤梨雪糕。但因士多啤梨雪糕賣完，就換左芒果雪糕。飲品配雪糕，感覺好有港式風味。整體黎講，食物價錢合理，食到好飽，下次會再黎。