Video
Read full review
2024-12-05
535 views
金翠餐廳 高質港式茶餐廳我時不時同朋友都會去金翠食野，因為佢地啲野食抵食夾大件，而且餐廳裝修走懷舊風，唔似平時啲茶記～今次我地下午茶時段過去，叫咗個豬扒菠蘿包加薯條，再加兩個是日超值鐵板餐，分別係美式什扒（雞、牛、豬扒同埋腸仔）同蝴蝶型肉眼扒，所有餐都包埋是日餐湯、牛油餐包，同埋咖啡或茶（凍飲加$3）～✨豬扒菠蘿包加薯條 一嚟就見到個豬扒菠蘿包，個菠蘿皮烘到超金黃，入面豬扒大大一塊，睇見都流口水🤤豬扒醃得幾入味，煎得又夠香口，咬落好juicy唔會乾柴~ 同豬扒夾埋一齊食好正✨美式什扒鐵板餐 美式什扒鐵板餐有雞扒、牛扒、豬扒同腸仔，全部都煎到啱啱好，唔會過熟。雞扒嫩滑，牛扒牛味濃郁，豬扒就正常發揮，腸仔就煎到脆卜卜，整體嚟講都幾好食，而且份量都幾多，真係抵食夾大件！蝴蝶型肉眼扒鐵板餐 最後就係蝴蝶型肉眼扒，估唔到呢個價錢都有咁大塊扒，牛扒煎得香口，肉汁完美鎖住是日餐湯 & 牛油餐包 餐湯係忌廉湯加羅宋湯，食既時候加埋熱辣辣牛油餐包黎食就啱晒食完仲送甜品 係jelly~~
我時不時同朋友都會去金翠食野，因為佢地啲野食抵食夾大件，而且餐廳裝修走懷舊風，唔似平時啲茶記～
今次我地下午茶時段過去，叫咗個豬扒菠蘿包加薯條，再加兩個是日超值鐵板餐，分別係美式什扒（雞、牛、豬扒同埋腸仔）同蝴蝶型肉眼扒，所有餐都包埋是日餐湯、牛油餐包，同埋咖啡或茶（凍飲加$3）～
✨豬扒菠蘿包加薯條
一嚟就見到個豬扒菠蘿包，個菠蘿皮烘到超金黃，入面豬扒大大一塊，睇見都流口水🤤豬扒醃得幾入味，煎得又夠香口，咬落好juicy唔會乾柴~ 同豬扒夾埋一齊食好正
✨美式什扒鐵板餐
美式什扒鐵板餐有雞扒、牛扒、豬扒同腸仔，全部都煎到啱啱好，唔會過熟。雞扒嫩滑，牛扒牛味濃郁，豬扒就正常發揮，腸仔就煎到脆卜卜，整體嚟講都幾好食，而且份量都幾多，真係抵食夾大件！
蝴蝶型肉眼扒鐵板餐
最後就係蝴蝶型肉眼扒，估唔到呢個價錢都有咁大塊扒，牛扒煎得香口，肉汁完美鎖住
是日餐湯 & 牛油餐包
餐湯係忌廉湯加羅宋湯，食既時候加埋熱辣辣牛油餐包黎食就啱晒
食完仲送甜品 係jelly~~
Post
